കണ്ണൂർ: ഡൽഹി എൻ.ഐ.എ കോടതി ശിക്ഷിച്ച ഷാജഹാന് മുമ്പേപോയ കണ്ണൂർ കുറ്റ്യാട്ടൂർ സ്വദേശി ഉൾപ്പെടെയുള്ള സംഘം സിറിയയിൽ വെടിയേറ്റു മരിച്ചിരുന്നു. കണ്ണൂരിലെ ചക്കരക്കല്ലിൽ നിന്നു കുടുംബസമേതമാണ് ഷാജഹാൻ അൽക്വയ്ദയിൽ ചേരാൻ പോയത്. കണ്ണൂർ, കാസർകോട് ജില്ലകളിൽ നിന്നു പോയ സംഘം നൽകിയ വിവരത്തെ തുടർന്നാണ് ഷാജഹാനും കുടുംബവും സിറിയയിലേക്ക് പോകാൻ പദ്ധതിയിട്ടത്. എന്നാൽ ഷാജഹാനെ തുർക്കി പൊലീസ് പിടികൂടി ഡൽഹിയിലെത്തിക്കുകയായിരുന്നു.

ബിരിയാണി ഹംസ ഉൾപ്പെടെയുള്ള സംഘത്തെ ടൗൺ ഡിവൈ.എസ്.പി പി.പി. സദാനന്ദന്റെ നേതൃത്വത്തിലുള്ള പൊലീസ് സംഘമാണ് നാട്ടിലെത്തിച്ചത്. ഇതിൽ ഷാജഹാന്റെ ഭാര്യയുമുണ്ടായിരുന്നു.