കാസർകോട്: വഴക്കിനിടെ ഭാര്യയെ നാടൻ തോക്കുകൊണ്ട് വെടിവച്ചുകൊന്നശേഷം ഭർത്താവ് തൂങ്ങിമരിച്ചു. കാനത്തൂർ വടക്കേക്കര കോളനിയിലെ ബേബിയാണ് (36) കൊല്ലപ്പെട്ടത്. ഭർത്താവ് വിജയൻ (40) ഭാര്യയുടെ തലയ്ക്ക് പിന്നിൽ വെടിവയ്ക്കുകയായിരുന്നു. കുടുംബപ്രശ്‌നമാണ് കാരണമെന്ന് പൊലീസ് പറഞ്ഞു. വിജയൻ കൂലിപ്പണിക്കാരനാണ്.

അഞ്ചുവയസുള്ള മകനുണ്ട്. കുട്ടിയാണ് അയൽവീട്ടിലെത്തി വിവരം പറഞ്ഞത്.

ഓടിക്കൂടിയ അയൽവാസികളെ വിജയൻ തോക്കുചൂണ്ടി ഭീഷണിപ്പെടുത്തി. തൊട്ടടുത്ത റബർ തോട്ടത്തിൽ തൂങ്ങി മരിച്ച നിലയിൽ പിന്നീ‌ട് ഇയാളെ കണ്ടെത്തി. മദ്യലഹരിയിൽ ഭാര്യയെ ഉപദ്രവിക്കാറുണ്ടായിരുന്നു. ഒരുമാസം മുമ്പ് ബേഡഡുക്ക പൊലീസിൽ ബേബി പരാതി നൽകിയിരുന്നു. വിജയനെ പൊലീസ് താക്കീത് നൽകി വിട്ടയച്ചിരുന്നു. അന്ന് കേസെടുത്തിരുന്നില്ല.

ജില്ലാ പൊലീസ് മേധാവിയുടെ നേതൃത്വത്തിൽ പൊലീസ് സംഘം വീട്ടിൽ പരിശോധന നടത്തി. വിജയൻ നായാട്ടിന് ഉപയോഗിക്കാറുള്ള തോക്ക് കണ്ടെടുത്തു. വനിത കമ്മിഷൻ ജില്ലാ പൊലീസ് മേധാവിയോട് റിപ്പോർട്ട് ആവശ്യപ്പെട്ടിട്ടുണ്ട്. രണ്ട് പേരുടെയും മൃതദേഹം കാസർകോട് ജനറൽ ആശുപത്രിയിൽ സൂക്ഷിച്ചിരിക്കുകയാണ്.

'അച്ഛൻ അമ്മയെ വെടിവച്ചു,​

അമ്മ ഇപ്പോ അനങ്ങുന്നില്ല'

ആദൂർ:'അമ്മയെ അച്ഛൻ വെടിവച്ചു, ഇപ്പോ അമ്മ അനങ്ങുന്നില്ല-പേടിച്ചരണ്ട അഞ്ചുവയസുകാരൻ ഓടിവന്ന് അയൽവീട്ടിലെത്തി പറഞ്ഞതുകേട്ടാണ് കാനത്തൂരിലെ ദാരുണമായ കൊലപാതകവും ആത്മഹത്യയും പുറംലോകമറിഞ്ഞത്. ഒരുനിമിഷം കൊണ്ട് അനാഥനായ കുഞ്ഞ് നാടിന്റെ നൊമ്പരമാണിപ്പോൾ.
സംഭവം നേരിൽ കണ്ടതിന്റെ ആഘാതത്തിലാണ് കുട്ടി. ഓടിയെത്തിയ കുട്ടി സംഭവം പറഞ്ഞപ്പോൾ വിശ്വസിക്കാനായില്ലെന്ന് അയൽവാസികൾ. ദമ്പതികൾ തമ്മിൽ കലഹം പതിവാണെന്നും അയൽവാസികൾ സൂചിപ്പിച്ചു. അയൽക്കാർ എത്തുമ്പോൾ ബേബി നിലത്തുവീണുകിടക്കുകയായിരുന്നു. കുട്ടി ബന്ധുക്കളുടെ സംരക്ഷണയിലാണിപ്പോൾ.

കൊ​ല​പാ​ത​ക​ത്തി​ന് ​പി​ന്നിൽ
സം​ശ​യ​ ​രോ​ഗ​വും

കാ​ന​ത്തൂ​ർ​ ​തെ​ക്കേ​ക​ര​യി​ലെ​ ​ബേ​ബി​യെ​ ​വെ​ടി​വ​ച്ച് ​കൊ​ല​പ്പെ​ടു​ത്തി​ ​ഭ​ർ​ത്താ​വ് ​ആ​ത്മ​ഹ​ത്യ​ ​ചെ​യ്ത​ത് ​സം​ശ​യ​രോ​ഗ​ത്തെ​ ​തു​ട​ർ​ന്നാ​ണെ​ന്ന് ​അ​യ​ൽ​വാ​സി​ക​ളും​ ​പൊ​ലീ​സും​ ​പ​റ​യു​ന്നു.​ ​മ​ദ്യ​ല​ഹ​രി​യി​ൽ​ ​വി​ജ​യ​ൻ​ ​ഭാ​ര്യ​യു​ടെ​ ​സ്വ​ഭാ​വ​ശു​ദ്ധി​യെ​ ​ചോ​ദ്യം​ ​ചെ​യ്തു​ ​മ​ർ​ദ്ദി​ക്കു​മാ​യി​രു​ന്നു.
മ​ർ​ദ്ദ​ന​ത്തി​ൽ​ ​സ​ഹി​കെ​ട്ട​ ​വീ​ട്ട​മ്മ​ ​വെ​ള്ളി​യാ​ഴ്ച​ ​രാ​വി​ലെ​ ​ആ​ദൂ​ർ​ ​പൊ​ലീ​സി​ലെ​ത്തി​ ​പ​രാ​തി​ ​ന​ൽ​കി​യി​രു​ന്നു.​ ​ദ​മ്പ​തി​ക​ളു​മാ​യി​ ​സം​സാ​രി​ച്ച​ ​പൊ​ലീ​സ് ​ഇ​രു​വ​രെ​യും​ ​സ​മാ​ധാ​ന​പ്പെ​ടു​ത്തു​ക​യും​ ​കു​റ്റാ​രാേ​പി​ത​നായ
ജെ.​ ​സി.​ ​ബി​ ​ഡ്രൈ​വ​റെ​ ​വ​രു​ത്തി​ ​അ​ന്വേ​ഷി​ക്കാ​മെ​ന്ന് ​ഉ​റ​പ്പു​ ​ന​ൽ​കി​യാ​ണ് ​മ​ട​ക്കി​ ​അ​യ​ച്ച​ത്.​ ​പ​ക്ഷേ,​ ​വീ​ട്ടി​ലെ​ത്തി​യ​ ​ഇ​വ​ർ​ ​വീ​ണ്ടും​ ​വ​ഴ​ക്കു​കൂ​ടു​ക​യാ​യി​രു​ന്നു.
ഒ​റ്റ​ ​കു​ഴ​ലു​ള്ള​ ​ക​ള്ള​ത്തോ​ക്ക് ​കൊ​ണ്ടാ​ണ് ​ത​ല​ക്ക് ​താ​ഴെ​ ​ചെ​വി​യു​ടെ​ ​ഭാ​ഗ​ത്ത് ​വെ​ടി​വ​ച്ച​ത്.​ ​മേ​ഖ​ല​യി​ലെ​ ​ക​ള്ള​ത്തോ​ക്കു​ക​ളെ​ ​കു​റി​ച്ച് ​അ​ന്വേ​ഷി​ക്കു​മെ​ന്നും​ ​പൊ​ലീ​സ് ​പ​റ​ഞ്ഞു.