പയ്യന്നൂർ:മുത്തച്ഛന്റെ സാത്വിക ഭാവം തുളുമ്പുന്ന വാത്സല്യവും ചിരിയും കുസൃതിയും വിഷാദവുമായി ദേശീയശ്രദ്ധ നേടിയ ദേശാടനമടക്കം നിരവധി സിനിമകളിൽ ശ്രദ്ധേയ കഥാപാത്രങ്ങളെ അവതരിപ്പിച്ച നടൻ ഉണ്ണികൃഷ്ണൻ നമ്പൂതിരി (98)അന്തരിച്ചു. ഇന്നലെ വൈകിട്ട് 6.10ന് പയ്യന്നൂർ സഹകരണ ആശുപത്രിയിലായിരുന്നു അന്ത്യം. സംസ്‌കാരം പൂർണ ഔദ്യോഗിക ബഹുമതികളോടെ ഇന്ന് രാവിലെ 11ന് കോറോം തറവാട്ടു ശ്മശാനത്തിൽ നടക്കും.
കൊവിഡ് മുക്തനായി വീട്ടിൽ വിശ്രമിക്കുന്നതിനിടെ ബുധനാഴ്ച ഉച്ചയോടെ ശ്വാസംമുട്ടൽ അനുഭവപ്പെട്ടതിനാലാണ് ആശുപത്രിയിൽ പ്രവേശിപ്പിച്ചത്. കൊവിഡ് ചികിത്സയ്ക്ക് ശേഷം കണ്ണൂരിലെ സ്വകാര്യ ആശുപത്രിയിൽ നിന്ന് ഞായറാഴ്ചയാണ് അദ്ദേഹം വീട്ടിലെത്തിയത്.
കോറോത്തെ പ്രശസ്തമായ പുല്ലേരി വാദ്ധ്യാരില്ലത്ത് നാരായണൻ വാദ്ധ്യാർ നമ്പൂതിരിയുടെയും ദേവകി അന്തർജ്ജനത്തിന്റെയും മകനായി 1923 ഒക്ടോബർ 19നാണ് ജനനം. കോറോം ദേവീസഹായം യു. പി സ്‌കൂൾ മാനേജരാണ്.
1996ൽ ജയരാജ് സംവിധാനം ചെയ്ത 'ദേശാടന'ത്തിലൂടെ എഴുപത്തിമൂന്നാം വയസിലാണ് അഭിനയരംഗത്തേക്ക് പ്രവേശിച്ചത്. കല്യാണരാമൻ, കൈക്കുടന്ന നിലാവ്, ഒരാൾമാത്രം, രാപ്പകൽ, അങ്ങനെ ഒരവധിക്കാലത്ത് തുടങ്ങി 22 സിനിമകളിൽ അഭിനയിച്ചു. ദിലീപ് നായകനായ 'മായാമോഹിനി'യാണ് അവസാന ചിത്രം. നാല് തമിഴ് സിനിമകളിലും വേഷമിട്ടു. കമലഹാസനൊപ്പം പമ്മൽ കെ സമ്മന്തം, രജനീകാന്തിനൊപ്പം ചന്ദ്രമുഖി, ഐശ്വര്യ റായിയുടെ മുത്തച്ഛനായി കണ്ടുകൊണ്ടേൻ കണ്ടുകൊണ്ടേൻ എന്നീ തമിഴ് ചിത്രങ്ങളിലും വേഷമിട്ടു.
എ. കെ .ജിയുടെ 'പ്രിയപ്പെട്ട ഉണ്ണി'യായിരുന്നു ഉണ്ണികൃഷ്ണൻ നമ്പൂതിരി. മുഖ്യമന്ത്രി പിണറായി വിജയൻ, മമ്മൂട്ടി, കമലഹാസൻ, രജനീകാന്ത് എന്നിവരുമായും അടുത്ത സൗഹൃദമായിരുന്നു.പ്രഗത്ഭ സംഗീതസംവിധായകൻ കൈതപ്രം ദാമോദരൻ നമ്പൂതിരി ഉണ്ണിക്കൃഷ്ണൻ നമ്പൂതിരിയുടെ മകളുടെ ഭർത്താവാണ്.
ഭാര്യ: പരേതയായ ലീല അന്തർജ്ജനം. മക്കൾ: ദേവകി, ഭവദാസൻ (റിട്ട. സീനിയർ മാനേജർ, കർണാടക ബാങ്ക്), യമുന (കൊല്ലം), പി വി ഉണ്ണികൃഷ്ണൻ (കേരള ഹൈക്കോടതി ജഡ്ജി). മരുമക്കൾ: കൈതപ്രം ദാമോദരൻ നമ്പൂതിരി (ഗാനരചയിതാവ്, സിനിമാ പിന്നണി ഗായകൻ), ഇന്ദിര (അദ്ധ്യാപിക, കോറോം ദേവീസഹായം യുപി സ്‌കൂൾ), പുരുഷോത്തമൻ (എൻജിനിയർ, കൊല്ലം), നീത (എറണാകുളം). സഹോദരങ്ങൾ: പരേതരായ വാസുദേവൻ നമ്പൂതിരി, അഡ്വ. പി വി കെ നമ്പൂതിരി, സരസ്വതി അന്തർജ്ജനം, സാവിത്രി അന്തർജ്ജനം, സുവർണിനി അന്തർജ്ജനം.

വി​ട​വാ​ങ്ങി​യ​ത് ​മ​ല​യാ​ള​ ​സി​നി​മ​യി​ലെ​ ​മു​ത്ത​ച്ഛൻ

ക​ണ്ണൂ​ർ​:​ദേ​ശാ​ട​നം​ ​സി​നി​മ​യി​ലൂ​ടെ​ ​വെ​ള്ളി​ത്തി​ര​യി​ലെ​ത്തി​യ​ ​ഉ​ണ്ണി​കൃ​ഷ് ​ണ​ൻ​ ​ന​മ്പൂ​തി​രി​ ​നാ​ട്ടു​കാ​ർ​ക്കും​ ​സി​നി​മാ​ ​പ്ര​വ​ർ​ത്ത​ക​ർ​ക്കും​ ​പ്രി​യ​പ്പെ​ട്ട​ ​മു​ത്ത​ച്ഛ​നാ​യി​രു​ന്നു.​ ​വ​ലു​പ്പ​ ​ചെ​റു​പ്പ​മി​ല്ലാ​തെ​ ​എ​ല്ലാ​വ​ർ​ക്കും​ ​ത​റ​വാ​ട് ​പോ​ലെ​യാ​യി​രു​ന്നു​ ​പ​യ്യ​ന്നൂ​ർ​ ​കോ​റോ​ത്തെ​ ​ഇ​ല്ലം.​ ​ക​ഴി​ഞ്ഞ​ ​ഡി​സം​ബ​ർ​ 25​ന് ​തൊ​ണ്ണൂ​റ്റി​ ​എ​ട്ടാം​ ​പി​റ​ന്നാ​ൾ​ ​ല​ളി​ത​മാ​യാ​ണ് ​ആ​ഘോ​ഷി​ച്ച​ത്.​ ​അ​ദ്ദേ​ഹ​ത്തി​ന്റെ​ ​ആ​ഗ്ര​ഹം​ ​നൂ​റ് ​തി​ക​യ്ക്കു​ക​ ​എ​ന്ന​താ​യി​രു​ന്നു.​ ​അ​ടു​ത്ത​ ​ബ​ന്ധു​ക്ക​ളോ​ടൊ​ല്ലം​ ​ഇ​ക്കാ​ര്യം​ ​തു​റ​ന്നു​ ​പ​റ​യു​ക​യും​ ​ചെ​യ്തി​രു​ന്നു.​ ​മ​ല​യാ​ളി​ ​പ്രേ​ക്ഷ​ക​രു​ടെ​യും​ ​സ്വ​ന്തം​ ​മു​ത്ത​ച്ഛ​നാ​യി​ ​മാ​റി​യ​ ​ഉ​ണ്ണി​ക്കൃ​ഷ്ണ​ൻ​ ​ന​മ്പൂ​തി​രി​ക്ക് ​പ്രാ​യ​ത്തി​ന്റെ​ ​ചെ​റി​യ​ ​അ​വ​ശ​ത​ക​ളു​ണ്ടെ​ങ്കി​ലും​ ​ഓ​ർ​മ​ക​ൾ​ക്ക് ​അ​വ​സാ​ന​കാ​ലം​ ​വ​രെ​ ​ന​ല്ല​ ​തെ​ളി​മ​യാ​യി​രു​ന്നു.

എ.​കെ.​ജി​യു​ടെ പ്രി​യ​പ്പെ​ട്ട​ ​ഉ​ണ്ണി

ക​ണ്ണൂ​ർ​ ​:​മ​ല​യാ​ളി​ക​ളു​ടെ​ ​ഈ​ ​മു​ത്ത​ച്ഛ​ൻ​ ​എ.​കെ.​ജി​യു​ടെ​ ​പ്രി​യ​പ്പെ​ട്ട​ ​ഉ​ണ്ണി​യാ​ണ്.​ ​എ.​കെ.​ജി​യു​മാ​യി​ ​സ​ഹോ​ദ​ര​തു​ല്യ​മാ​യ​ ​ബ​ന്ധം​ ​പു​ല​ർ​ത്തി​യി​രു​ന്ന​ ​ഉ​ണ്ണി​കൃ​ഷ്ണ​ൻ​ ​ന​മ്പൂ​തി​രി​യു​ടെ​ ​ഇ​ല്ലം​ ​ഒ​രു​ ​കാ​ല​ത്ത് ​ക​മ്യൂ​ണി​സ്റ്റു​കാ​രു​ടെ​ ​ഒ​ളി​ത്താ​വ​ള​മാ​യി​രു​ന്നു.​ ​പാ​ർ​ട്ടി​ ​നി​രോ​ധി​ച്ചി​രു​ന്ന​ ​കാ​ല​ത്ത് ​എ.​കെ.​ജി,​ ​ഇ.​എം.​എ​സ്,​ ​നാ​യ​നാ​ർ,​ ​കെ.​പി.​ആ​ർ.​ഗോ​പാ​ല​ൻ,​ ​സു​ബ്ര​ഹ്മ​ണ്യ​ ​ഷേ​ണാ​യി​ ​തു​ട​ങ്ങി​യ​വ​ർ​ക്ക് ​അ​ഭ​യം​ ​ന​ൽ​കി​യ​ത് ​ഉ​ണ്ണി​കൃ​ഷ്ണ​ൻ​ ​ന​മ്പൂ​തി​രി​യു​ടെ​ ​പു​ല്ലേ​രി​ ​വാ​ദ്ധ്യാ​രി​ല്ലാ​ത്താ​യി​രു​ന്നു.
സേ​ലം​ ​ജ​യി​ൽ​ ​ചാ​ടി​യെ​ത്തി​യ​ ​എ.​കെ.​ജി​ക്ക് ​ഇ​ല്ലം​ ​സു​ര​ക്ഷി​ത​ ​താ​വ​ള​മാ​യി​രു​ന്നു.​ ​സാ​യു​ധ​ ​പൊ​ലീ​സ് ​വീ​ടു​ ​വ​ള​ഞ്ഞ​പ്പോ​ഴും​ ​പ​ത​റാ​തെ​ ​ര​ക്ഷി​ച്ച​ ​ഉ​ണ്ണി​കൃ​ഷ്ണ​ൻ​ ​ന​മ്പൂ​തി​രി​യു​ടെ​ ​അ​മ്മ​ ​ദേ​വ​കി​ ​അ​ന്ത​ർ​ജ​ന​ത്തി​ന് ​പി​ന്നീ​ട് ​എ.​കെ.​ജി​ ​അ​യ​ച്ച​ ​ക​ത്തു​ക​ൾ​ ​അ​ദ്ദേ​ഹം​ ​നി​ധി​പോ​ലെ​ ​കാ​ത്തു​സൂ​ക്ഷി​ച്ചി​രു​ന്നു.​ ​എ.​കെ.​ജി​ ​പ്ര​സം​ഗി​ച്ചി​രു​ന്ന​ ​വേ​ദി​ക​ളി​ൽ​ ​പ​ട​പ്പാ​ട്ട് ​പാ​ടി​യി​രു​ന്ന​ത് ​ഉ​ണ്ണി​യാ​യി​രു​ന്നു.
എ.​കെ.​ജി​യു​ടെ​ ​വാ​ച്ചു​കെ​ട്ടി​ ​പു​റ​ത്തി​റ​ങ്ങി​ ​കൂ​ട്ടു​കാ​രോ​ട് ​ഇ​ത് ​എ.​കെ.​ജി​യു​ടെ​ ​വാ​ച്ചാ​ണെ​ന്ന് ​പ​റ​ഞ്ഞ​തും​ ​എ.​കെ.​ജി​യോ​ട് ​പ​റ​ഞ്ഞ​പ്പോ​ൾ​ ​ശ​കാ​രി​ച്ച​തും​ ​ഉ​ണ്ണി​കൃ​ഷ്ണ​ൻ​ ​ന​മ്പൂ​തി​രി​ ​അ​ഭി​മാ​ന​ത്തോ​ടെ​യാ​ണ് ​ഓ​ർ​ത്തി​രു​ന്ന​ത്.

പകരംവയ്ക്കാനില്ലാത്ത നടൻ: ജയരാജ്

കോ​ട്ട​യം​:​ ​ദേ​ശാ​ട​നം​ ​സി​നി​മ​യി​ൽ​ ​ഒ​രു​ ​മു​ത്ത​ച്ഛ​നെ​ ​വേ​ണം...​ ​പ​ല​രെ​യും​ ​നോ​ക്കി​യി​ട്ടും​ ​തൃ​പ്തി​ ​വ​ന്നി​ല്ല.​ ​കൈ​ത​പ്രം​ ​ദാ​മോ​ദ​ര​ൻ​ ​ന​മ്പൂ​തി​രി​യു​ടെ​ ​വീ​ട്ടി​ൽ​ ​ഒ​രു​ ​ച​ട​ങ്ങി​ന് ​ചെ​ന്ന​പ്പോ​ഴാ​ണ് ​ഉ​ണ്ണി​ക്കൃ​ഷ്ണ​ൻ​ ​ന​മ്പൂ​തി​രി​യെ​ ​കാ​ണു​ന്ന​ത്.​ ​ഒ​റ്റ​നോ​ട്ട​ത്തി​ൽ​ ​ഇ​താ​ണ് ​ഞാ​ൻ​ ​അ​ന്വേ​ഷി​ച്ചു​ന​ട​ന്ന​ ​മു​ത്ത​ച്ഛ​നെ​ന്ന് ​മ​ന​സ് ​പ​റ​ഞ്ഞു.​ ​ഒ​പ്പ​മു​ണ്ടാ​യി​രു​ന്ന​ ​മാ​ട​മ്പി​നോ​ട് ​എ​ങ്ങ​നെ​യെ​ന്നു​ ​ചോ​ദി​ച്ച​പ്പോ​ൾ​ ​ത​ര​ക്കേ​ടി​ല്ലെ​ന്നു​ ​പ​റ​ഞ്ഞു.​ ​കൈ​ത​പ്ര​വു​മാ​യി​ ​സം​സാ​രി​ച്ച​പ്പോ​ഴാ​ണ് ​ഭാ​ര്യാ​ ​പി​താ​വാ​ണെ​ന്ന​റി​ഞ്ഞ​ത്. പൂ​ജ​യും​ ​മ​റ്റും​ ​ചെ​യ്യു​ന്ന​ത​ല്ലാ​തെ​ ​അ​ഭി​ന​യി​ച്ചി​ട്ടി​ല്ല,​ ​ചോ​ദി​ച്ചു​നോ​ക്കാ​ൻ​ ​പ​റ​ഞ്ഞു.​ ​എ​ന്നെ​ക്കൊ​ണ്ടു​ ​പ​റ്റു​മോ​ ​എ​ന്ന് ​സം​ശ​യം​ ​പ്ര​ക​ടി​പ്പി​ച്ചെ​ങ്കി​ലും​ ​എ​ട​പ്പാ​ൾ​ ​നാ​റാ​ത്ത് ​മ​ന​യി​ൽ​ ​ന​ട​ന്ന​ ​ഷൂ​ട്ടിം​ഗി​ൽ​ ​ശ​രി​ക്കും​ ​കാ​ര​ണ​വ​രാ​യി​ ​മാ​റി.​ ​എ​ങ്ങ​നെ​ ​അ​ഭി​ന​യി​ക്ക​ണ​മെ​ന്ന് ​പ​റ​ഞ്ഞി​ല്ല.​ ​പ​ക്ഷേ​ ​ഓ​രോ​ ​രം​ഗ​ങ്ങ​ളും​ ​അ​ഭി​ന​യി​ച്ച​ത് ​സ്വാ​ഭാ​വി​ക​മാ​യി​ട്ടാ​യി​രു​ന്നു.​ ​വൈ​കാ​രി​ക​ ​രം​ഗ​ങ്ങ​ളി​ലെ​ ​അ​ഭി​ന​യം​ ​ശ​രി​ക്കും​ ​ഞെ​ട്ടി​ച്ചു.​ ​ദേ​ശാ​ട​ന​ത്തി​ൽ​ ​ഉ​ണ്ണി​ക്കൃ​ഷ്ണ​ൻ​ ​ന​മ്പൂ​തി​രി​ക്ക് ​പ​ക​രം​ ​മ​റ്റൊ​രു​ ​ന​ട​നെ​ ​സ​ങ്ക​ൽ​പ്പി​ക്കാ​ൻ​ ​സാ​ധി​ക്കി​ല്ല.​ ​ആ​ദ്യ​ ​സി​നി​മ​യ്ക്ക് ​ശേ​ഷം​ ​അ​ദ്ദേ​ഹം​ ​എ​ല്ലാ​വ​രു​ടെ​യും​ ​മു​ത്ത​ച്ഛ​നാ​യി​ ​മാ​റി.​ ​