കണ്ണൂർ: ജില്ലയിൽ ബുധനാഴ്ച 281 പേർക്ക് കൊവിഡ് ബാധ സ്ഥിരീകരിച്ചു. 260 പേർക്ക് സമ്പർക്കം മൂലമാണ് രോഗബാധ. ഏഴു പേർ വിദേശത്തു നിന്ന് എത്തിയവരും നാലു പേർ ഇതര സംസ്ഥാനത്തു നിന്ന് എത്തിയവരും 10 പേർ ആരോഗ്യ പ്രവർത്തകരുമാണ്.

ഇതോടെ ജില്ലയിൽ റിപ്പോർട്ട് ചെയ്യപ്പെട്ട കൊവിഡ് പോസിറ്റീവ് കേസുകൾ 44,204 ആയി. ഇവരിൽ 240 പേർ ഇന്നലെ രോഗമുക്തി നേടിയതോടെ രോഗം ഭേദമായവരുടെ എണ്ണം 40,686 ആയി. 237 പേർ കൊവിഡ് മൂലം മരണപ്പെട്ടു. 2712 പേർ ചികിത്സയിലാണ്.

ജില്ലയിൽ നിലവിൽ നിരീക്ഷണത്തിലുള്ളത് 13,169 പേരാണ്. ഇതിൽ 12,730 പേർ വീടുകളിലും 439 പേർ ആശുപത്രികളിലുമാണ് നിരീക്ഷണത്തിൽ കഴിയുന്നത്. ഇതുവരെ 4,47,746 സാംപിളുകൾ പരിശോധനയ്ക്ക് അയച്ചതിൽ 4,47,400 എണ്ണത്തിന്റെ ഫലം വന്നു. 346 എണ്ണത്തിന്റെ ഫലം ലഭിക്കാനുണ്ട്.