തളിപ്പറമ്പ്: വ്യാ​ജ രേഖകളും സർട്ടിഫിക്കറ്റുകളും ന​ൽ​കി മു​ൻ​ഗ​ണനാ വി​ഭാ​ഗ​ത്തി​ൽ​ കയറിക്കൂടിയ റേഷൻ കാർഡുടമകൾക്കെതിരെ സിവിൽ സപ്ളൈസ് വകുപ്പിന്റെ നടപടി. ത​ളി​പ്പ​റ​മ്പ് താ​ലൂ​ക്ക് സ​പ്ലൈ ഓ​ഫീ​സ് അ​ധി​കൃ​ത​രു​ടെ നേ​തൃ​ത്വ​ത്തി​ൽ രൂ​പീ​ക​രി​ച്ച പ്ര​ത്യേ​ക സ്ക്വാ​ഡു​ക​ൾ നടത്തിയ പരിശോധനയിലാണ് നിരവധി വ്യാജ കാർഡുകാരെ പിടികൂടിയത്.

പൂ​ക്കോ​ത്ത്തെ​രു​വി​ൽ എ​.സി ഉ​ൾ​പ്പെ​ടെ എ​ല്ലാ​വി​ധ ആ​ധു​നി​ക സൗ​ക​ര്യ​ങ്ങ​ളോ​ടും കൂ​ടി​യ ഇ​രു​നി​ല വീ​ടി​ന്റെ ഉ​ട​മ വ​ർ​ഷ​ങ്ങ​ളാ​യി കൈ​പ്പ​റ്റി​യ​ത് മു​ൻ​ഗ​ണ​നാകാ​ർ​ഡി​ലെ ആ​നു​കൂ​ല്യ​ങ്ങ​ൾ. ചെ​മ്പ​ന്തൊ​ട്ടി​യി​ൽ ഏ​ക്ക​ർ ക​ണ​ക്കി​നു ഭൂ​മി​യു​ള്ള വീ​ട്ടു​ട​മ​യും മു​ൻ​ഗ​ണനാ കാ​ർ​ഡി​ലെ ആ​നു​കൂ​ല്യ​ങ്ങ​ൾ വാ​ങ്ങു​ന്ന​താ​യി ക​ണ്ടെ​ത്തിയിട്ടുണ്ട്. എ​ളമ്പേ​രം​പാ​റ, മാ​വി​ച്ചേ​രി, പൂ​ക്കോ​ത്ത്തെ​രു, വ​ര​ഡൂ​ൽ, തേ​ർ​ളാ​യി, ചെ​മ്പ​ന്തൊ​ട്ടി, ക​ര​യ​ത്തും​ചാ​ൽ, കാ​ഞ്ഞി​ലേ​രി, വ​യ​ക്ക​ര പ്ര​ദേ​ശ​ങ്ങ​ളി​ൽ ന​ട​ത്തി​യ പ​രി​ശോ​ധ​ന​യി​ൽ അ​ന​ർ​ഹ​മാ​യി സാ​ധ​ന​ങ്ങ​ൾ കൈ​പ്പ​റ്റി​യ​വ​രി​ൽ നി​ന്ന് റേ​ഷ​ൻ സാ​ധ​ന​ങ്ങ​ളു​ടെ ക​മ്പോ​ള​വി​ല സംഘം ഈ​ടാ​ക്കി.

ത​ളി​പ്പ​റ​മ്പ് താ​ലൂ​ക്ക് പ​രി​ധി​യി​ലെ വി​വി​ധ പ്ര​ദേ​ശ​ങ്ങ​ളി​ൽ ന​ട​ത്തി​യ പ​രി​ശോ​ധ​ന​യി​ൽ ഐ​.ടി മേ​ഖ​ല​യി​ൽ വ​ൻ ശ​മ്പ​ളം വാ​ങ്ങു​ന്ന​വരും, ഏ​ക്ക​ർ ക​ണ​ക്കി​ന് ഭൂ​മി​യു​ള്ള​വരും ആ​ഡം​ബ​ര നി​കു​തി അ​ട​ക്കു​ന്ന​വ​രുമു​ൾ​പ്പെ​ടെ നി​ര​വ​ധി പേ​രാ​ണ് പി​ങ്ക് (മുൻഗണന), മഞ്ഞ (എ​.എ​.വൈ ), നീല (പൊ​തു​വി​ഭാ​ഗം സ​ബ്സി​ഡി) റേ​ഷ​ൻ കാ​ർ​ഡു​ക​ൾ കൈ​വ​ശം വ​ച്ച് റേ​ഷ​ൻ സാ​ധ​ന​ങ്ങ​ൾ അ​ന​ർ​ഹ​മാ​യി കൈ​പ്പ​റ്റി​യ​താ​യി ക​ണ്ടെ​ത്തി​യ​ത്.

പൊതുവിഭാഗത്തിലേക്ക് മാറ്റി

താ​ലൂ​ക്ക് പ​രി​ധി​യി​ൽ ഇ​തു​വ​രെ ന​ട​ന്ന പ​രി​ശോ​ധ​ന​യി​ൽ 500 ഓ​ളം എ​.എ​.വൈ, മു​ൻ​ഗ​ണ​ന, പൊ​തു​വി​ഭാ​ഗം (സ​ബ്സി​ഡി) റേ​ഷ​ൻ കാ​ർ​ഡു​ക​ൾ പി​ടി​ച്ചെ​ടു​ത്ത് പൊ​തു​വി​ഭാ​ഗ​ത്തി​ലേ​ക്ക് മാ​റ്റി. ഇ​വ​രി​ൽ നി​ന്ന് പി​ഴ​യി​ന​ത്തി​ൽ 5,55,000 രൂ​പ ഈ​ടാ​ക്കി.

പി​ടി​ക്ക​പ്പെ​ട്ടാ​ൽ ഒ​രു ല​ക്ഷം രൂ​പ വ​രെ പി​ഴ​യും ഒ​രു വ​ർ​ഷം ത​ട​വു​മാ​ണ് ശി​ക്ഷ. സ്ക്വാ​ഡു​ക​ൾ വീ​ട്ടു​ക​ൾ ക​യ​റി​യാ​ണ് പ​രി​ശോ​ധ​ന നട​ത്തു​ന്ന​ത്. ക്ര​മ​ക്കേ​ട് ക​ണ്ടെ​ത്തി​യാ​ൽ കാ​ർ​ഡു​ട​മ​ക​ൾ വാ​ങ്ങി​യ ഭ​ക്ഷ്യ​ധാ​ന്യ​ങ്ങ​ൾ​ക്ക് വി​ല​ ഈ​ടാ​ക്കും. ഒ​രു കി​ലോ അ​രി​ക്ക് 40.20 രൂ​പ​യും ഗോ​ത​മ്പി​ന് 29.20 രൂ​പ​യു​മാ​ണ് ഈ​ടാ​ക്കു​ന്ന​ത്.