കണ്ണൂർ: ജില്ലയിൽ ബുധനാഴ്ച 357 പേർക്ക് കൊവിഡ് ബാധ സ്ഥിരീകരിച്ചു. 319 പേർക്ക് സമ്പർക്കം മൂലമാണ് രോഗബാധ. നാലു പേർ ഇതര സംസ്ഥാനത്ത് നിന്നെത്തിയവരും 10 പേർ വിദേശത്തു നിന്നെത്തിയവരും 24 ആരോഗ്യ പ്രവർത്തകരുമാണ്.

ഇതോടെ ജില്ലയിൽ റിപ്പോർട്ട് ചെയ്യപ്പെട്ട കൊവിഡ് പോസിറ്റീവ് കേസുകൾ 46,259 ആയി. ഇവരിൽ 200 പേർ ബുധനാഴ്ച രോഗമുക്തി നേടിയതോടെ ഇതിനകം രോഗം ഭേദമായവരുടെ എണ്ണം 42,170 ആയി. 247 പേർ കൊവിഡ് മൂലം മരണപ്പെട്ടു. ബാക്കി 3090 പേർ ചികിത്സയിലാണ്.

ജില്ലയിൽ നിലവിൽ നിരീക്ഷണത്തിലുള്ളത് 13,131 പേരാണ്. ഇതിൽ 12,614 പേർ വീടുകളിലും 517 പേർ ആശുപത്രികളിലുമാണ് നിരീക്ഷണത്തിൽ കഴിയുന്നത്.