കാഞ്ഞങ്ങാട്: നഗരസഭയുടെ ആരോഗ്യ വിഭാഗം ഹോട്ടലുകളിൽ നടത്തിയ പരിശോധനയിൽ പഴകിയ ഭക്ഷണ സാധനങ്ങൾ പിടികൂടി. പന്ത്രണ്ടിലധികം ഹോട്ടലുകളിൽ പരിശോധന നടത്തി. പഞ്ചരത്‌ന, അതിഥി, ഹൈ ഡൈൻ, ഫാമിലി, ന്യൂ കേരള, ന്യൂ കാന്റീൻ, ശ്രീകൃഷ്ണവിലാസം, ഫിൽ ഫിൽ, മാബൈന, സി.എച്ച്.എം ഫാസ്റ്റ്ഫുഡ്, ഗോൾഡൻ റെസ്റ്റോറന്റ്, ബെസ്റ്റിസ് ഹോട്ടലുകളിൽ നിന്നും പഴകിയ ആഹാര സാധനങ്ങൾ പിടിച്ചെടുത്തു. പഴക്കമുള്ള ചിക്കൻ,മുട്ട, ബീഫ്, മട്ടൻ, പൊറോട്ട, ചൈനീസ് മസാല, എണ്ണക്കറികൾ, പഴകിയ എണ്ണ, തൈര് എന്നിവ ഹെൽത്ത് സ്‌ക്വാഡ് പിടിച്ചെടുത്തു. പരിശോധനയ്ക്ക് ഹെൽത്ത് സൂപ്പർവൈസർ കെ.പി രാജഗോപാലൻ, ഒന്നാം ഗ്രേഡ് ജൂനിയർ ഹെൽത്ത് ഇൻസ്‌പെക്ടർ ബീന വി.വി, രണ്ടാം ഗ്രേഡ് ജൂനിയർ ഹെൽത്ത് ഇൻസ്‌പെക്ടർമാരായ സിമ പി .വി, ബിജു അനൂർ ഡ്രൈവർ പ്രശാന്ത് എന്നിവർ നേതൃത്വം നൽകി.