വടകര: ഏറാമല സഹകരണ ബാങ്കിന്റെ വർഷത്തെ വാർഷിക ജനറൽബോഡി യോഗം ഓർക്കാട്ടേരി കമ്മ്യൂണിറ്റി ഹാളിൽ നടന്നു. പുതിയ വർഷത്തിൽ 200 കോടി രൂപ വായ്പ നൽകുമെന്നും, അതിൽ 100 കോടി കൃഷി,​തൊഴിൽ,​ ടൂറിസം എന്നീ മേഖലയ്ക്ക് മാത്രമായിരിക്കുമെന്നും ചെയർമാൻ മനയത്ത് ചന്ദ്രൻ അറിയിച്ചു.

തൊഴിലിൽ വൈദഗ്ദ്യം നേടുന്നതിനും തൊഴിൽ പരിശീലന കേന്ദ്രങ്ങൾ തുടങ്ങാനും പരിപാടിയുണ്ട്. മെമ്പർമാർക്ക് 25% ഡിവിഡന്റ് നൽകാനും യോഗ തീരുമാനമായി. മനയത്ത് ചന്ദ്രന്റെ അദ്ധ്യക്ഷതയിൽ ചേർന്ന യോഗത്തിൽ ജനറൽ മാനേജർ ടി.കെ.വിനോദൻ, ഒ.മഹേഷ്‌കുമാർ എന്നിവർ റിപ്പോർട്ട് അവതരിപ്പിച്ചു. ഡയറക്ടർ വൈസ് പ്രസിഡന്റ് പി.കെ.കുഞ്ഞിക്കണ്ണൻ മാസ്റ്റർ സ്വാഗതവും, ഇ.പി ബേബി നന്ദിയും പറഞ്ഞു