211 പേർക്ക് സമ്പർക്കത്തിലൂടെ രോഗബാധ

കൽപ്പറ്റ: വയനാട് ജില്ലയിൽ ഇന്നലെ 213 പേർക്ക് കൊവിഡ് സ്ഥിരീകരിച്ചു. 139 പേർ രോഗമുക്തി നേടി. മൂന്ന് ആരോഗ്യ പ്രവർത്തകർ ഉൾപ്പെടെ 211 പേർക്ക് സമ്പർക്കത്തിലൂടെയാണ് രോഗബാധ. ഇതിൽ 7 പേരുടെ സമ്പർക്ക ഉറവിടം വ്യക്തമല്ല. ഇതര സംസ്ഥാനത്ത് നിന്നും വിദേശത്ത് നിന്നും എത്തിയ രണ്ട് പേർക്കും രോഗം സ്ഥിരീകരിച്ചു.
ഇതോടെ ജില്ലയിൽ കൊവിഡ് സ്ഥിരീകരിച്ചവരുടെ ആകെ എണ്ണം 18608 ആയി. 15870 പേർ ഇതുവരെ രോഗമുക്തരായി. ചികിത്സയിലിരിക്കെ 110 മരണം. നിലവിൽ 2628 പേരാണ് ചികിത്സയിലുള്ളത്. ഇവരിൽ 2004 പേർ വീടുകളിലാണ് ഐസൊലേഷനിൽ കഴിയുന്നത്.

രോഗം ബാധിച്ചവർ
ബത്തേരി സ്വദേശികളായ 24 പേർ, മാനന്തവാടി 22 പേർ, പടിഞ്ഞാറത്തറ 18 പേർ, കണിയാമ്പറ്റ 16 പേർ, എടവക 15 പേർ, കൽപ്പറ്റ 12 പേർ, മുട്ടിൽ, വെള്ളമുണ്ട 11 പേർ വീതം, വൈത്തിരി 10 പേർ, പനമരം 9 പേർ, പൂതാടി, നെന്മേനി 7 പേർ വീതം, മീനങ്ങാടി, പൊഴുതന, തൊണ്ടർനാട്, വെങ്ങപ്പള്ളി 6 പേർ വീതം, നൂൽപ്പുഴ 5 പേർ, തിരുനെല്ലി, അമ്പലവയൽ, തരിയോട് 4 പേർ വീതം, പുൽപ്പള്ളി 3 പേർ, തവിഞ്ഞാൽ 2 പേർ, കോട്ടത്തറ, പൂതാടി, മേപ്പാടി സ്വദേശികളായ ഒരാൾ വീതവുമാണ് സമ്പർക്കത്തിലൂടെ രോഗ ബാധിതരായത്. ദുബായിൽ നിന്നു വന്ന തവിഞ്ഞാൽ സ്വദേശി, ബംഗാളിൽ നിന്നു വന്ന ബത്തേരി സ്വദേശി എന്നിവരാണ് വിദേശത്തു നിന്നും, ഇതര സംസ്ഥാനത്തു നിന്നും എത്തി രോഗബാധിതരായത്.

രോഗമുക്തർ
ബത്തേരി സ്വദേശികളായ 6 പേർ, കണിയാമ്പറ്റ, പനമരം, പടിഞ്ഞാറത്തറ, നൂൽപ്പുഴ 4 പേർ വീതം, തരിയോട് 3 പേർ, മേപ്പാടി, വെള്ളമുണ്ട, മുള്ളൻകൊല്ലി, പൂതാടി, മാനന്തവാടി, കൽപ്പറ്റ 2 പേർ വീതം, പുൽപ്പള്ളി, പൊഴുതന, തവിഞ്ഞാൽ, വെങ്ങപ്പള്ളി, കോട്ടത്തറ സ്വദേശികളായ ഓരോരുത്തരും, കാസർകോട്, കർണാടക, തമിഴ്നാട് സ്വദേശികളായ ഓരോരുത്തരും, വീടുകളിൽ ചികിത്സയിലുള്ള 94 പേരുമാണ് രോഗമുക്തി നേടിയത്.

ഇന്നലെ നിരീക്ഷണത്തിലായത് 688 പേർ

350 പേർ നിരീക്ഷണകാലം പൂർത്തിയാക്കി

നിലവിൽ നിരീക്ഷണത്തിലുള്ളത് 8823 പേർ

350 പേർ ആശുപത്രിയിൽ നിരീക്ഷണത്തിൽ

ഇന്നലെ അയച്ചത് 1778 സാമ്പിളുകൾ

ഇതുവരെ അയച്ചത് 223291 സാമ്പിളുകൾ

ഫലം ലഭിച്ചത് 221731

203123 നെഗറ്റീവും 18608 പോസിറ്റീവും

വൈദ്യുതി മുടങ്ങും

പടിഞ്ഞാറത്തറ ഇലക്ട്രിക്കൽ സെക്ഷൻ പരിധിയിലെ ലൂയിസ് മൗണ്ട് ഹോസ്പിറ്റൽ, ചെന്നലോട്, മയിലാടുംകുന്ന്, കോടഞ്ചേരി, ആലക്കണ്ടി, മാക്കണ്ടി എന്നിവിടങ്ങളിൽ നാളെ (തിങ്കൾ) രാവിലെ 9 മുതൽ വൈകീട്ട് 5.30 വരെ പൂർണമായോ ഭാഗീകമായോ വൈദ്യുതി മുടങ്ങും.