കൊയിലാണ്ടി: ദേശീയ വിദ്യാഭ്യാസ നയത്തിനെതിരെ കെ.എസ്.ടി.എ പ്രതിരോധ സംഗമം സംഘടിപ്പിച്ചു.പൊതുവിദ്യാഭ്യാസത്തെ വർഗീകരിക്കാനുള്ള ഹിഡൻ അജണ്ടയാണ് ഈ നയത്തിന്റെ പിറകിലുള്ളതെന്നും ഫെഡറൽ നയങ്ങളെ തകർക്കുന്ന ഈ നയം പിൻവലിക്കണമെന്നും ജില്ലാതല പ്രതിരോധ സംഗമം ഉദ്ഘാടനം ചെയ്ത് കൊണ്ട് കേളു വേട്ടൻ പഠന കേന്ദ്രം ഡയരക്ടർ കെ.ടി.കുഞ്ഞിക്കണ്ണൻ ആവശ്യപ്പെട്ടു. കോർപ്പറേറ്റ് ശക്തികൾക്ക് ആവശ്യമായ മാനവ വിഭവശേഷിയെ രൂപപ്പെടുത്തുന്ന ചിന്തകളാണ് ഈ നയത്തിന് പുറകിലുള്ളത്. കെ.എസ്.ടി.എ ജില്ലാ പ്രസിഡന്റ് ബി.മധു അദ്ധ്യക്ഷത വഹിച്ചു. ജില്ല ജോ.സെക്രട്ടറി ആർ.എം.രാജൻ, ജില്ലാ എക്സിക്യൂട്ടീവ് ഡി.കെ.ബിജു, ജില്ലാ കമ്മിറ്റിയംഗം ആർ.കെ.ദീപ എന്നിവർ പ്രസംഗിച്ചു. ജില്ലാ സെക്രട്ടറി വി.പി.രാജീവൻ സ്വാഗതവും സബ് ജില്ലാ സെക്രട്ടറി സി.ഉണ്ണികൃഷ്ണൻ നന്ദിയും പറഞ്ഞു.