കൊയിലാണ്ടി: വിയ്യൂർ വിഷ്ണു ക്ഷേത്രത്തിൽ ആറാട്ട് മഹോത്സവത്തിന് ഇന്ന് വൈകിട്ട് 7 ന് കൊടിയേറും. ചൊവ്വാഴ്ച മുതൽ ഞായർ വരെ ത്രികാല പൂജയും മറ്റു വിശേഷാൽ പൂജകളും നടക്കും. 25ന് സമാപന ദിവസം ആറാട്ട് എഴുന്നള്ളത്ത്, കുളിച്ചാറാട്ട്, മടക്ക എഴുന്നള്ളിപ്പ് എന്നിവയ്ക്ക് പിറകെ കൊടിയിറക്കൽ നടക്കും.

കൊവിഡ് നിയന്ത്രണങ്ങൾ പാലിക്കണമെന്നിരിക്കെ ഉത്സവത്തോടനുബന്ധിച്ചുള്ള നിവേദ്യം വരവ്, കാഴ്ച വരവ്, ഊര് ചുറ്റൽ, പള്ളിവേട്ട, സമൂഹസദ്യ എന്നിവ ഇത്തവണയില്ല.