കോഴിക്കോട്: ഡി.സി.സി വൈസ് പ്രസിഡന്റും കോഴിക്കോട് കോർപ്പറേഷൻ മുൻ കൗൺസിലറുമായ ഇറമാക്ക വീട്ടിൽ ഉസ്മാൻകോയ (78) ഫ്രാൻസിസ് റോഡിലെ 'രഹന മൻസിലി"ൽ നിര്യാതനായി.

കോഴിക്കോട് പൗരസമിതി ചെയർമാൻ, കേരള ഹാർട്ട് കെയർ സൊസൈറ്റി ട്രഷറർ, ഖാസി ഫൗണ്ടേഷൻ പ്രസിഡന്റ് , മാപ്പിള സോംഗ് ലവേഴ്സ് പ്രസിഡന്റ് , കുറ്റിച്ചിറ യുവഭാവന പ്രസിഡന്റ്, കെ. ഡി.എഫ്.എ വൈസ് പ്രസിഡന്റ്, ഫ്രാൻസിസ് റോഡ് റസിഡന്റ്സ് അസോസിയേഷൻ പ്രസിഡന്റ് എന്നീ നിലകളിൽ പ്രവർത്തിച്ചിട്ടുണ്ട്.

ഭാര്യ: പത്തായപുരയിൽ സുഹറ. മക്കൾ: ഫാത്തിമ, രഹന, തെസ്‌നീം, സീമ, റിജുന, ഫർസീന.

മരുമക്കൾ: പള്ളിവീട്ടിൽ അബ്ദുൽ നാസർ, മുസ്ല്ല്യാരകത്ത് മൊയ്തീൻകുഞ്ഞി (കുവൈറ്റ്), കോശാനി വീട്ടിൽ അബ്ദുൽ ഹമീദ് (ടീം തായ്), പൊന്മാണിച്ചികം ഫൗസിദ്, പാലാട്ട് ഫവാസ് (ദമാം).

സഹോദരങ്ങൾ: ഇ.വി.മുസ്തഫ, ഇ.വി.ലത്തീഫ്, സൈനബി, മറിയംബി, സുബൈദ, ബിച്ചു, പരേതനായ ഇ.വി. അഹമ്മദ് കോയ, കദീശബി.

മയ്യത്ത് നമസ്ക്കാരം പരപ്പിൽ ശാദുലിപ്പള്ളിയിൽ നടന്നു.