കോട്ടയം : ജില്ലയിൽ 263 പേർക്ക് കൂടി കൊവിഡ് സ്ഥിരീകരിച്ചു. 255 പേർക്കും സമ്പർക്കം മുഖേനയാണ് വൈറസ് ബാധിച്ചത്. ഇതിൽ ഒരു ആരോഗ്യ പ്രവർത്തകനും ഉൾപ്പെടുന്നു. സംസ്ഥാനത്തിന് പുറത്ത് നിന്നെത്തിയ എട്ടു പേർ രോഗബാധിതരായി. പുതിയതായി 2108 പരിശോധനാഫലങ്ങളാണ് ലഭിച്ചത്. രോഗം ബാധിച്ചവരിൽ 128 പുരുഷൻമാരും 119 സ്ത്രീകളും 16 കുട്ടികളും ഉൾപ്പെടുന്നു. 60 വയസിനു മുകളിലുള്ള 57 പേർക്ക് കോവിഡ് സ്ഥിരീകരിച്ചിട്ടുണ്ട്. 800 പേർ രോഗമുക്തരായി. 5963 പേരാണ് നിലവിൽ ചികിത്സയിലുള്ളത്.11989 പേർ ക്വാറന്റൈനിൽ കഴിയുന്നുണ്ട്.