ചങ്ങനാശേരി: എസ്.എൻ.ഡി.പി യോഗം ചങ്ങനാശേരി യൂണിയന്റെ ആഭിമുഖ്യത്തിൽ എറണാകുളം മുക്തിഭവൻ കൗൺസിലിംഗ് സെന്ററിന്റെ സഹകരണത്തോടെയുള്ള വിവാഹ പൂർവ കൗൺസിലിംഗ് കോഴ്‌സിന്റെ 62ാമത് ബാച്ച് 9നും10നും ഓൺലൈനായി നടക്കും. 9ന് രാവിലെ 9.30ന് നടക്കുന്ന സമ്മേളനം യൂണിയൻ പ്രസിഡന്റ് ഗിരീഷ് കോനാട്ട് ഉദ്ഘാടനം ചെയ്യും. യൂണിയൻ സെക്രട്ടറി സുരേഷ് പരമേശ്വരൻ അദ്ധ്യക്ഷത വഹിക്കും. യൂണിയൻ വൈസ് പ്രസിഡന്റ് പി.എം ചന്ദ്രൻ മുഖ്യപ്രസംഗം നടത്തും. യൂണിയൻ കൗൺസിലേഴ്‌സ്, യൂണിയൻ വനിതാസംഘം, യൂണിയൻ യൂത്ത്മൂവ്‌മെന്റ്, യൂണിയൻ വൈദീക യോഗം അംഗങ്ങൾ എന്നിവർ പങ്കെടുക്കും. യൂണിയൻ കൗൺസിലറും കോ ഓർഡിനേറ്ററുമായ അജയകുമാർ സ്വാഗതവും ഡയറക്ടർ ബോർഡ് അംഗം എൻ.നടേശൻ നന്ദിയും പറയും. തുടർന്ന് 11 മുതൽ ഉച്ചയ്ക്ക് 1 വരെ ഫാമിലി കൗൺസിലർ ഗ്രേസ് ലാൽ, 2 മുതൽ വൈകുന്നേരം 4.30 വരെ ഡോ ശരത് ചന്ദ്രൻ എന്നിവർ വിവിധ വിഷയങ്ങളിൽ ക്ലാസ് നയിക്കും. 10ന് രാവിലെ 9.30 മുതൽ 11.30 വരെ ഫാമിലി കൗൺസിലറും യൂണിയൻ സെക്രട്ടറിയുമായ സുരേഷ് പരമേശ്വരൻ, 12 മുതൽ ഉച്ചയ്ക്ക് 1.30 വരെ നിയുക്ത ബോർഡ് അംഗം സജീവ് പൂവത്ത്, ഉച്ചയ്ക്ക് 2.30 മുതൽ വൈകുന്നേരം 4 വരെ രാജേഷ് പൊന്മല എന്നിവർ ക്ലാസ് നയിക്കും. രജിസ്‌ട്രേഷനും വിവരങ്ങൾക്കും ഫോൺ: 9496885517, 9495369913, 9747696009.