പാലാ: ഭരണങ്ങാനം ശ്രീകൃഷ്ണസ്വാമി ക്ഷേത്രത്തിലെ ഉത്സവം 14ന് രാത്രി 8ന് കൊടിയേറും. കൊവിഡ് മാനദണ്ഡങ്ങൾ കർശനമായി പാലിച്ചുകൊണ്ടാണ് ഇത്തവണത്തെ ഉത്സവമെന്ന് ഭാരവാഹികൾ അറിയിച്ചു. 14ന് രാത്രി 8ന് തന്ത്രി ചേന്നാസ് വിഷ്ണുനമ്പൂതിരിപ്പാടിന്റെ മുഖ്യകാർമ്മികത്വത്തിലാണ് കൊടിയേറ്റ്. 8.30ന് ശ്രീഭൂതബലി, 15ന് രാവിലെ 10.30ന് ഉത്സവബലി, വൈകിട്ട് 7.30ന് ശ്രീഭൂതബലി, 8ന് വിളക്കിനെഴുന്നള്ളത്ത്, 16ന് വൈകിട്ട് 6.45ന് ഭഗവതി നടയിൽ വിശേഷാൽ ദീപാരാധന.
17ന് രാവിലെ 10.30ന് ഉത്സവബലി, 18ന് വൈകിട്ട് 4ന് കീഴമ്പാറ മൂർത്തട്ടക്കാവിലേക്ക് എഴുന്നള്ളത്ത്, വൈകിട്ട് 5.30ന് മൂർത്തട്ടക്കാവിൽ ഇറക്കിപ്പൂജ. 19ന് വൈകിട്ട് 5ന് ഇടമറ്റം പങ്കപ്പാട്ട് ക്ഷേത്രത്തിലേക്ക് എഴുന്നള്ളത്ത്, 6.15ന് കൂടിപ്പൂജ, 8ന് എഴുന്നള്ളത്ത്, തിരിച്ചുവരവും എഴുന്നേൽപ്പും.
20ന് രാത്രി 8ന് വലിയവിളക്ക്, 21ന് ആറാട്ടുത്സവം. ഇടമറ്റം 363-ാം നമ്പർ എൻ.എസ്.എസ് കരയോഗത്തിന്റെ ചുമതലയിലാണ് ആറാട്ടുത്സവം. 21ന് വൈകിട്ട് 4ന് കൊടിയിറക്കും ആറാട്ട് എഴുന്നള്ളത്തും. 4.30ന് പഞ്ചവാദ്യം, രാത്രി 8ന് ആറാട്ട് തിരിച്ചുവരവും എതിരേൽപ്പും. 9.30ന് കൊടിമരച്ചുവട്ടിൽ പറവയ്പ്പും വലിയകാണിക്കയും. 10.30ന് ഉച്ചപ്പൂജ, 11ന് ശ്രീഭൂതബലി, ദീപാരാധന, അത്താഴപൂജ. കൊവിഡിന്റെ പശ്ചാത്തലത്തിൽ നാലുകരകളിലേക്കുമുള്ള ഊരുവലത്ത് എഴുന്നള്ളത്ത് ഈ വർഷം ഒഴിവാക്കിയതായി ക്ഷേത്രം ഭാരവാഹികൾ അറിയിച്ചു.