പാമ്പാടി : ജീവനക്കാർക്ക് ലഭിക്കേണ്ട കുടിശികയായ ക്ഷാമബത്തയും ശബള പരിഷ്കരണം വൈകുന്ന സാഹചര്യത്തിൽ ഇടക്കാലാശ്വാസവും ഉടൻ അനുവദിക്കണമെന്ന് കേരള എൻ.ജി. ഒ അസോസിയേഷൻ സംസ്ഥാന സെക്രട്ടറി രഞ്ജു കെ മാത്യു ആവശ്യപ്പെട്ടു. പാമ്പാടി സബ് ട്രഷറിയ്ക്ക് മുൻപിൽ നടത്തിയ പ്രതിഷേധ കൂട്ടായ്മ ഉദ്ഘാടനം ചെയ്യുകയായിരുന്നു അദ്ദേഹം. പ്രസിഡന്റ് എം.സി.ജോണിക്കുട്ടി അദ്ധ്യക്ഷത വഹിച്ചു. ജില്ലാ വനിതാ ഫോറം കൺവീനർ സ്മിതാ രവി , സിജിൻ മാത്യു , ജയ്ൻ കേശവൻ , ബിജു എം കുര്യൻ എന്നിവർ പ്രസംഗിച്ചു.