കോട്ടയം: ജില്ലയിൽ 462 പേർക്ക് കൂടി കൊവിഡ് സ്ഥിരീകരിച്ചു. 457 പേർക്കും സമ്പർക്കം മുഖേനയാണ് . സംസ്ഥാനത്തിന് പുറത്തുനിന്നെത്തിയ അഞ്ചു പേർ രോഗബാധിതരായി. പുതുതായി 4794 പരിശോധനാഫലങ്ങളാണ് ലഭിച്ചത്. രോഗം ബാധിച്ചവരിൽ 211 പുരുഷൻമാരും 215 സ്ത്രീകളും 36 കുട്ടികളും ഉൾപ്പെടുന്നു. 60 വയസിനു മുകളിലുള്ള 87 പേർക്ക് കൊവിഡ് സ്ഥിരീകരിച്ചിട്ടുണ്ട്.

545 പേർ രോഗമുക്തരായി. 5776 പേരാണ് നിലവിൽ ചികിത്സയിലുള്ളത്. ഇതുവരെ ആകെ 55134 പേർ കൊവിഡ് ബാധിതരായി. 49220 പേർ രോഗമുക്തി നേടി. ജില്ലയിൽ ആകെ 12347 പേർ ക്വാറന്റൈനിൽ കഴിയുന്നുണ്ട്.