കോട്ടയം : കെ.എം മാണിയുടെ ജന്മദിനത്തോടനുബന്ധിച്ച് കെ.എം.മാണി ഫൗണ്ടേഷന്റെ ആഭിമുഖ്യത്തിൽ കേരളത്തിലെ ആയിരം കേന്ദ്രങ്ങളിൽ സ്മൃതിസംഗമം സംഘടിപ്പിക്കും. 25 മുതൽ 30 വരെ കൊവിഡ് മാനദണ്ഡം പാലിച്ചായിരിക്കും സംഗമം സംഘടിപ്പിക്കുക. ഹൃദയത്തിൽ മാണി സാർ എന്ന പേരിൽ സംഘടിക്കുന്ന ചടങ്ങിൽ സാമൂഹിക സാംസ്‌ക്കാരിക രംഗത്തെ പ്രമുഖർ വിവിധ സ്ഥലങ്ങളിൽ പങ്കെടുക്കും. കേരള കോൺഗ്രസ് (എം) ചെയർമാൻ ജോസ് കെ.മാണി, എം.പി, എം.എൽ.എമാർ തുടങ്ങിയവർ പങ്കെടുക്കും. പരിപാടിയുടെ ഭാഗമായി ഭവന സന്ദർശനവും ലഘുലേഖ വിതരണവും നടത്തും. ജന്മദിനമായ 30 ന് പാലായിൽ വിപുലമായ അനുസ്മരണ സമ്മേളനം സംഘടിപ്പിക്കും. സമ്മേളത്തിൽ ഹൃദയത്തിൽ മാണി സാർ എന്ന വീഡിയോ റിലീസ് ചെയ്യും. തുടർന്ന് കെ.എം മാണി സ്മരണിക പ്രകാശനവും നടത്തും.