കോട്ടയം : ജില്ലയിൽ 704 പേർക്ക് കൂടി കൊവിഡ് സ്ഥിരീകരിച്ചു. 697 പേർക്കും സമ്പർക്കം മുഖേനയാണ് വൈറസ് ബാധിച്ചത്. സംസ്ഥാനത്തിന് പുറത്തുനിന്നെത്തിയ ഏഴു പേർ രോഗബാധിതരായി. പുതിയതായി 4550 പരിശോധനാഫലങ്ങളാണ് ലഭിച്ചത്. രോഗം ബാധിച്ചവരിൽ 322 പുരുഷൻമാരും 311 സ്ത്രീകളും 71 കുട്ടികളും ഉൾപ്പെടുന്നു. 60 വയസിന് മുകളിലുള്ള 142 പേർക്ക് രോഗം സ്ഥിരീകരിച്ചിട്ടുണ്ട്.
314 പേർ രോഗമുക്തരായി. 6502 പേരാണ് നിലവിൽ ചികിത്സയിലുള്ളത്. 15145 പേർ ക്വാറന്റൈനിൽ കഴിയുന്നുണ്ട്.