വൈക്കം : കേരളത്തിലെ പരമ്പരാഗത വ്യവസായമായ കള്ള് വ്യവസായത്തേയും തൊഴിലാളികളേയും പാടെ അവഗണിച്ച ബഡ്ജ​റ്റാണ് ധനമന്ത്റി തോമസ് ഐസക്ക് അവതരിപ്പിച്ചതെന്ന് കേരള സ്​റ്റേ​റ്റ് ചെത്ത് തൊഴിലാളി ഫെഡറേഷൻ (എ.ഐ.ടി.യു.സി) ജനറൽ സെക്രട്ടറി ടി.എൻ.രമേശൻ പ്രസ്താവനയിൽ പറഞ്ഞു. കഴിഞ്ഞ യു.ഡി. എഫ് സർക്കാരിന്റെ കാലത്ത് അംഗീകരിച്ച ടോഡി ബോർഡ് എൽ.ഡി.എഫ് ഭരണത്തിന്റെ 5 വർഷത്തിനുള്ളിൽ നടപ്പാക്കാൻ കഴിഞ്ഞില്ല. കള്ള് വ്യവസായം അതിന്റെ തകർച്ചയുടെ നെല്ലിപ്പലകയിലാണ്. മദ്യനയം, കള്ള് വ്യവസായത്തിന് ഒട്ടും ഗുണം ചെയ്യുന്നതല്ല. വിദേശമദ്യത്തിനും ബാറുകൾക്കും പ്രാമുഖ്യം നൽകുന്ന നയമാണ്. ദൂരപരിധിയുടെ കാര്യത്തിലും വീര്യം കൂടിയ മദ്യം വിൽക്കുന്ന ബാറുകൾക്കും വിദേശമദ്യഷാപ്പുകൾക്കും 50 മീ​റ്റർ മുതൽ 200 മീ​റ്റർ വരെയാണ്. കള്ള് ഷാപ്പുകൾക്ക് 400 മീ​റ്ററും. ഓരോ വർഷവും ദൂരപരിധിയുടെ പേരിൽ നിരവധി കള്ള് ഷാപ്പുകളാണ് പൂട്ടുന്നത്. ഈ സാഹചര്യത്തിൽ മ​റ്റ് പരമ്പരാഗത വ്യവസായ മേഖലയ്ക്ക് ബഡ്ജ​റ്റിൽ നൽകിയ പരിഗണന കള്ള് വ്യവസായത്തിനും നൽകണമെന്നും ടോഡി ബോർഡ് നടപ്പിലാക്കണമെന്നും ദൂരപരിധിയിലൂടെ കള്ളിനോട് കാട്ടുന്ന ഭൃഷ്ട് അവസാനിപ്പിക്കണമെന്നും അദ്ദേഹം ആവശ്യപ്പെട്ടു.