കോട്ടയം: മറയൂർ ചന്ദനലേലത്തിൽ റെക്കാർഡ് വില്പന. രണ്ടു ദിവസങ്ങളിലായി നടന്ന നാലു ലേലത്തിൽ ഖജനാവിൽ എത്തിയത് 37.28 കോടി രൂപ. ഇതിൽ 7.55 കോടി രൂപ ടാക്സാണ്. ഇക്കുറിയും ഏറ്റവും കൂടുതൽ ചന്ദനം ലേലത്തിൽ പിടിച്ചത് ക​ർ​ണാ​ട​ക​ ​സോ​പ്‌​സ് ​ആ​ൻഡ് ​ഡി​റ്റ​ർ​ജെ​ന്റ് കമ്പനിയാണ്. 30 കോടി രൂപയുടെ ചന്ദനമാണ് അവർ മാത്രം വാങ്ങിയത്. 29 ടൺ ചന്ദനമാണ് ഇവർ വാങ്ങിയത്. ഈ സാമ്പത്തിക വർഷത്തിൽ ആകെ 76 കോടി രൂപയാണ് സർക്കാർ ഖജനാലിൽ ലഭിച്ചത്.

16 ക്ലാസുകളിലായി 101.6 ടൺ ചന്ദനമാണ് ലേലത്തിൽ വച്ചത്. ഇതിൽ 41.67 ടൺ രണ്ടു ദിവസങ്ങളിലായി നടന്ന ലേലത്തിൽ വിറ്റുപോയിയെന്ന് ​ഡി​വി​ഷ​ണ​ൽ​ ​ഫോ​റ​സ്റ്റ് ​ഓ​ഫി​സ​ർ.​ ​ബി.​ ​ര​ഞ്ചി​ത്ത്, റേ​ഞ്ച് ​ഫോ​റ​സ്റ്റ് ​ഓ​ഫീ​സ​ർ​ ​എം.​ജി​ ​വി​നോ​ദ്കു​മാ​ർ​ ​എ​ന്നി​വ​ർ​ ​വ്യക്തമാക്കി.

ആ​ദ്യ​ ​ദി​വസം ​ന​ട​ന്ന​ ​ലേ​ല​ത്തി​ൽ​ 31.13​ ​കോ​ടി​ ​രൂ​പ​യു​ടെ​ ​ചന്ദനമാണ് വിറ്റുപോയത്. ​വി​ലാ​യ​ത്ത് ​ബു​ദ്ധ​ ​ഇ​ന​ത്തി​ൽ​പ്പെ​ട്ട​ ​ഒ​ന്നാം​ ​ക്ലാ​സ് ​ച​ന്ദ​ന​ത്തി​ന് ​കി​ലോ​യ്ക്ക് 19,030​ ​രൂ​പ​ ​ല​ഭി​ച്ചു.​ ഇതിനാണ് കൂടിയ വില ലഭിച്ചത്. ​ഏ​റ്റ​വും​ ​കു​റ​ഞ്ഞ​ ​വി​ല​ ​ല​ഭി​ച്ച​ത് ​ക്ലാ​സ് ​പ​തി​ന​ഞ്ച് ​ഇ​ന​ത്തി​ൽ​പ്പെ​ട്ട​ ​സാ​പ്‌​വു​ഡ് ​ചി​പ്പ്‌​സി​നാ​ണ്.​ ​​കോ​ട്ട​ക്ക​ൽ​ ​ആ​ര്യ​വൈ​ദ്യ​ശാ​ല,​ ​നെ​ടു​പ​റ​മ്പി​ൽ​ ​ക്ഷേ​ത്ര​ ​ദേ​വ​സ്വം,​ ​ഔ​ഷ​ധി​ ​ഉ​ൾ​പ്പെ​ടെ​യു​ള്ള​ ​സ്ഥാ​പ​ന​ങ്ങ​ൾ​ ​ലേ​ല​ത്തി​ൽ ​പ​ങ്കെ​ടു​ത്തു.​​ ​

​