വൈക്കം : കർഷകർ നടത്തുന്ന സമരം അടിയന്തരമായി ഒത്തുതീർപ്പാക്കണമെന്ന് ജോയിന്റ് കൗൺസിൽ വൈക്കം മേഖലാ കൺവൻഷൻ ആവശ്യപ്പെട്ടു. കർഷകരുടെ പ്രശ്‌നങ്ങൾ മനസിലാക്കി കർഷകവിരുദ്ധ ബില്ലുകൾ പിൻവലിക്കാൻ കേന്ദ്ര സർക്കാർ തയാറാകണമെന്നും കൺവൻഷൻ പ്രമേയത്തിലൂടെ ആവശ്യപ്പെട്ടു. ജോയിന്റ് കൗൺസിൽ സംസ്ഥാന സെക്രട്ടറിയേ​റ്റ് അംഗം കെ.പി ഗോപകുമാർ കൺവൻഷൻ ഉദ്ഘാടനം ചെയ്തു. മേഖലാ പ്രസിഡന്റ് ഷീല ഇബ്രാഹിം അദ്ധ്യക്ഷത വഹിച്ചു. സംസ്ഥാന കമ്മി​റ്റിയംഗം എസ്.പി സമോദ്,സംസ്ഥാന കൗൺസിൽ അംഗം ടി.എസ് സുരേഷ് ബാബു,പ്രീതി പ്രഹ്ലാദ്, എ.ബി അജീഷ്, പി.ബി മനോജ്, എൻ.കെ രതീഷ്‌കുമാർ, കെ.പി ദേവസ്യ, എൻ.സദേവൻ, പി.ബി സാജൻ, എം.രാംദാസ്, സന്തോഷ് കെ.വിജയൻ എന്നിവർ പ്രസംഗിച്ചു.