കോട്ടയം : കൊവിഡ് പ്രതിസന്ധിക്കിടയിലും ജില്ലയിൽ പാലുത്പാദനത്തിൽ 20 ശതമാനത്തിന്റെ വർദ്ധനവ്. മറ്റ് ജില്ലകളിൽ പാൽ ഉത്പാദനവും വില്പനയും കറഞ്ഞപ്പോൾ ജില്ലയിൽ ക്ഷീരസമൃദ്ധിയാണ്. ഉത്പാദനം 10, 000 ലിറ്റർ കൂടിയപ്പോൾ ഉപഭോഗവും കൂടി. അന്യജില്ലകളിൽ നിന്ന് എത്തിച്ചാണ് ആവശ്യം നിറവേറ്റുന്നത്. മറ്റ് ജില്ലകളിൽ പാൽ കെട്ടിക്കിടക്കുന്നതിനാൽ കോട്ടയത്തേയ്ക്ക് ആവശ്യമായ പാലിന് അന്യസംസ്ഥാനങ്ങളെ ആശ്രയിക്കേണ്ടതില്ല. കൊവിഡ് കാലത്ത് മറ്റ് വരുമാനമാർഗമെന്ന നിലയിൽ വ്യാപകമായി പശുവളർത്തൽ ആരംഭിച്ചിട്ടുണ്ടെന്നാണ് മിൽമയുടെ കണക്ക് കൂട്ടൽ. മുൻപ് ചായക്കടകളിലും ഹോട്ടലുകളിലും വീടുകളിൽ നിന്ന് പാൽ നൽകിയിരുന്നു. പലഹോട്ടലുകളും അടഞ്ഞതിനാൽ ഈ പാലും മിൽമ സ്റ്റോറുകളിലാണ് വിൽക്കുന്നത്. സാമ്പത്തിക പ്രതിസന്ധി മൂലം വീട്ടിലെ ഉപയോഗം കുറച്ച് പരമാവധി പാൽ വിൽക്കുന്ന ക്ഷീരകർഷകരുമുണ്ട്.

10000 രൂപയുടെ അധിക വരുമാനം

പാൽ വില്പനയും വർദ്ധിച്ചതോടെ പ്രതിദിനം 10000 രൂപയുടെ അധിക വരുമാനവും മിൽമയ്ക്ക് ലഭിക്കുന്നുണ്ട്. ലോക്ക് ഡൗണിന്റെ വരവോടെ ജില്ലയിൽ മിൽമ പാൽ വില്പന 25000 ലിറ്ററായി കുറിഞ്ഞിരുന്നു. അവിടെ നിന്നാണ് 60, 000 ലിറ്ററിലേയ്ക്ക് ഉയർന്നത്. പ്രതിദിന പാൽ കളക്ഷൻ മുൻപ് 50,000 ലിറ്ററായിരുന്നു. പ്രതിദിന വരുമാനം 5ലക്ഷം രൂപവരെയായി ഉയർന്നിട്ടുണ്ട്.

 ഉത്പാദനം : 60,000 ലിറ്റർ

ചെലവ് 65000 : ലിറ്റർ വരെ

'' മറ്റ് വരുമാനം നിലച്ചതോടെ കൊവിഡ് കാലത്ത് ജില്ലയിൽ പശുവളർത്തൽ വ്യാപകമാക്കിയിട്ടുണ്ട്. അതിന്റെ ഗുണമാണ് മിൽമയ്ക്കുമുണ്ടായത്. ഉത്പാദനം കൂടിയതിനൊപ്പം ഡിമാൻഡും കൂടിയതിനാൽ മറ്റ് ഡയറികളിൽ നിന്ന് കൂടി പാൽ ശേഖരിക്കുകയാണ്

മിൽമ അധികൃതർ