ചങ്ങനാശേരി: പ്രൈമറി വിദ്യാഭ്യാസത്തിന്റെ ഭാഗമായി യോഗ ക്ലാസുകൾ മുഴുവൻ വിദ്യാർത്ഥികൾക്കും ലഭ്യമാക്കി പുതുതലമുറയുടെ ആരോഗ്യസുരക്ഷ ഉറപ്പാക്കണമെന്ന് കൊച്ചിൻ ഷിപ്പ്‌യാർഡ് ഡയറക്ടർ, അക്കൗണ്ട്‌സ്, ഓഡിറ്റ് വിഭാഗം ചെയർമാൻ ബി.രാധാകൃഷ്ണമേനോൻ ആവശ്യപ്പെട്ടു. വാഴപ്പള്ളി ഗായത്രി വിദ്യാമന്ദിറിൽ കൊച്ചിൻ ഷിപ്പ് യാർഡ് സി.എസ്.ആർ ഫണ്ട് ഉപയോഗിച്ച് നിർമ്മിച്ച യോഗാ ഹാളിന്റെ ഉദ്ഘാടനം നിർവഹിച്ച് സംസാരിക്കുകയായിരുന്നു അദ്ദേഹം. പൊതുസമ്മേളനോദ്ഘാടനം നഗരസഭാധ്യക്ഷ സന്ധ്യാ മനോജ് നിർവഹിച്ചു. സ്‌കൂൾ സമിതി പ്രസിഡന്റ് പ്രൊഫ പി.കെ രാജപ്പൻ നായർ അദ്ധ്യക്ഷത വഹിച്ചു.