ചങ്ങനാശേരി: എസ്.എൻ.ഡി.പി യോഗം ചങ്ങനാശേരി യൂണിയനിൽ സുകൃതം 2021 ഇന്ന് ഉച്ചകഴിഞ്ഞ് 2.30ന് ആനന്ദാശ്രമം ഓഡിറ്റോറിയത്തിൽ കൊവിഡ് മാനദണ്ഡങ്ങൾ പാലിച്ചു നടക്കും. യൂണിയൻ സാമൂഹ്യക്ഷേമ പ്രവർത്തനങ്ങളുടെ ഭാഗമായി ശാഖാംഗങ്ങളായ തൊഴിൽ നഷ്ടപ്പെട്ട തെരഞ്ഞെടുക്കപ്പെട്ട 59 വിധവകൾക്ക് തയ്യൽ മെഷീൻ വിതരണം ചെയ്യുന്ന പദ്ധതിയാണിത്. എസ്.എൻ.ഡി.പി യോഗം കൗൺസിലർ എ.ജി തങ്കപ്പൻ സമ്മേളനം ഉദ്ഘാടനം ചെയ്യും. ചങ്ങനാശേരി നഗരസഭ അദ്ധ്യക്ഷ സന്ധ്യ മനോജ് വിതരണ ഉദ്ഘാടനം നടത്തും. യൂണിയൻ പ്രസിഡന്റ് ഗിരീഷ് കോനാട്ട് അദ്ധ്യക്ഷത വഹിക്കും. യൂണിയൻ വൈസ് പ്രസിഡന്റ് പി.എം ചന്ദ്രൻ മുഖ്യപ്രസംഗം നടത്തും. നിയുക്ത ബോർഡ് മെമ്പർ സജീവ് പൂവത്ത് ആശംസ അറിയിക്കും.യൂണിയൻ കൗൺസിലർമാരായ എസ്.സാലിച്ചൻ, പി.എൻ പ്രതാപൻ, സി.ജി രമേശ്, പി.അജയകുമാർ, പി.ബി രാജീവ്, സുഭാഷ്, യൂണിയൻ പഞ്ചായത്ത് കമ്മറ്റി അംഗങ്ങളായ അസീം വി പണിക്കർ, കെ.ജി.പ്രസന്നൻ, ലതാ കെ സലി,യൂണിയൻ യൂത്ത്മൂവ്‌മെന്റ് ഭാരവാഹികൾ, വനിതാ സംഘം ഭാരവാഹികൾ, വൈദികയോഗം ഭാരവാഹികൾ എന്നിവർ പങ്കെടുക്കും. യൂണിയൻ സെക്രട്ടറി സുരേഷ് പരമേശ്വരൻ സ്വാഗതവും ഡയറക്ടർ ബോർഡ് മെമ്പർ എൻ.നടേശൻ നന്ദിയും പറയും.