ചെന്നൈ: സ്‌ത്രീധനത്തെ ചൊല്ലിയുള‌ള തർക്കത്തെ തുടർന്ന് ഭാര്യയുടെ സ്വകാര്യ ചിത്രങ്ങൾ വാട്‌സാപ്പ് വഴി പ്രചരിപ്പിച്ച തിരുപ്പതി സ്വദേശിയായ ഭർത്താവ് പിടിയിൽ. കഴിഞ്ഞ ദിവസമാണ് വഴക്കിനെ തുടർന്ന് ഭാര്യയുടെ ചിത്രങ്ങൾ കോൾ ഗേൾ മണിക്കൂറിന് 3000 രൂപ എന്ന തലക്കെട്ടിൽ ഇയാൾ വിവിധ ഗ്രൂപ്പുകളിൽ പ്രചരിപ്പിച്ചത്.
ഇത് കണ്ടെത്തിയ ഭാര്യ ഇയാൾക്കെതിരെ പൊലീസിൽ പരാതി നൽകി. സ്‌ത്രീധനത്തിന്റെ പേരിൽ ഇയാൾ വഴക്കുണ്ടാക്കിയെന്നും പരാതിയിലുണ്ട്. തുടർന്ന് തിരുപ്പതി സിജിസി കോളേജിൽ ജൂനിയർ അസിസ്‌റ്റന്റായി ജോലി നോക്കുന്ന ഇയാളെ പിടികൂടുകയായിരുന്നു. ഇയാൾക്കെതിരെ ഗാർഹിക പീഡന നിരോധന നിയമപ്രകാരവും ഐ.ടി ആക്‌ട് പ്രകാരവും കേസെടുത്തതായി പൊലീസ് അറിയിച്ചു.