നന്ദിഗ്രാം: പശ്ചിമ ബംഗാളിൽ തൃണമൂൽ നേതാവ് സുവേന്ദു അധികാരിക്ക് പിന്നാലെ സഹോദരൻ സൗമേന്ദുവും ബി.ജെ.പിയിൽ ചേർന്നു. കോണ്ടൈ മുനിസിപ്പാലിറ്റിയിലെ അഡ്മിനിസ്ട്രേറ്റർ സ്ഥാനത്ത് നിന്ന് അടുത്തിടെ സൗമേന്ദുവിനെ തൃണമൂൽ നീക്കിയിരുന്നു. പ്രതികാര നടപടിയെന്നാണ് ഇതിനെ സുവേന്ദു വിശേഷിപ്പിച്ചത്. സൗമേന്ദുവിനൊപ്പം നിരവധി കൗൺസിലർമാരും 5000ത്തോളം തൃണമൂൽ പ്രവർത്തകരും ബി.ജെ.പിയിൽ ചേരുമെന്നും തൃണമൂൽ ഉടൻതന്നെ തകർന്നടിയുമെന്നും പർബ മേദിനിപൂരിൽ നടന്ന യോഗത്തിൽ സുവേന്ദു അധികാരി മുന്നറിയിപ്പ് നൽകിയിരുന്നു. കഴിഞ്ഞ മാസമാണ് സുവേന്ദു ബി.ജെ.പിയിൽ ചേർന്നത്. അധികാരിയുടെ കുടുംബത്തിലെ രണ്ടുപേർ കൂടി ഇനി തൃണമൂൽ കോൺഗ്രസിലുണ്ട്. എം.പിമാരായ ദിബ്യേന്ദു, സിസിർ എന്നിവരാണവർ.