ല​ണ്ട​ൻ: മുഖംമൂടിയുടെ മറവിലിരുന്ന് സംഗീത പ്രേമികളെ അത്ഭുതപ്പെടുത്തിയ ലോകപ്രശസ്ത ഹിപ് ഹോപ് ഗായകൻ എം.എഫ്.ഡൂം എന്ന ഡാ​നി​യ​ൽ ഡൂ​മി​ൽ (49) അന്തരിച്ചു. പൊ​തു​വേ​ദി​ക​ളി​ൽ ഒ​രി​ക്ക​ൽ​പോ​ലും മു​ഖം​മൂ​ടി​യി​ല്ലാ​തെ അദ്ദേഹം പ്രത്യക്ഷപ്പെട്ടിട്ടില്ല. 2020 ഒക്ടോബർ 31നാണ് ഡൂം മരിച്ചതെങ്കിലും കഴിഞ്ഞ ദിവസമാണ് മരണവിവരം പുറത്തുവിടുന്നത്. ഏ​റ്റ​വും മി​ക​ച്ച ഭ​ർ​ത്താ​വും അ​ച്ഛ​നും അ​ദ്ധ്യാപ​ക​നും ബി​സി​ന​സ്​ പ​ങ്കാ​ളി​യു​മാ​യി​രു​ന്നു ഡൂം ​എ​ന്ന്​ മരണവിവരം പങ്കുവച്ചു കൊണ്ട് ഭാ​ര്യ ജാ​സ്​​മി​ൻ അ​നു​സ്​​മ​രി​ച്ചു. മ​ര​ണ​കാ​ര​ണം ഇ​തു​വ​രെ പു​റ​ത്തു​വി​ട്ടി​ട്ടി​ല്ല.

ല​ണ്ട​നി​ൽ ജ​നി​ച്ച ഡൂം ​പി​ന്നീ​ട്​ ന്യൂ​യോ​ർ​ക്കി​ലേ​ക്ക്​ കു​ടി​യേ​റു​ക​യാ​യി​രു​ന്നു. ചെറുപ്പം മുതൽ സംഗീതത്തിൽ അദ്ദേഹത്തിന് ഏറെ താത്പര്യം ഉണ്ടായിരുന്നു. 17ാം വയസു മുതൽ കെ.​എം.​ഡി ഹി​​പ്​ ഹോ​പ്​ സം​ഘ​ത്തി​ൽ ഗാ​യ​ക​നാ​യി. ഓപ്പറേഷൻ ഡൂം​സ്​​ഡേ എ​ന്ന തന്റെ ആദ്യ സം​ഗീ​ത ആ​ൽ​ബ​ത്തിലൂടെ തന്നെ അദ്ദേഹം ലോകപ്രശസ്തനായി. പി​ന്നീ​ട്​ വ​ന്ന ഡെ​യ്​​ഞ്ച​ർ ഡൂ​മും ഹി​പ്​ ഹോ​പ്​ ആ​രാ​ധ​ക​ർ​ക്കി​ട​യി​ൽ ത​രം​ഗ​മാ​യി.ടേക്ക് മീ ടു യോർ ലീഡർ, വെനമസ് വില്ലൻ, ബോൺ ലൈക്ക് ദിസ്, എന്നിവയടക്കം പ്രശസ്തമായ നിരവധി ആൽബങ്ങളുടെ സൃഷ്ടാവായിരുന്നു അദ്ദേഹം.