കോട്ടയം: വരുന്ന നിയമസഭാ തിരഞ്ഞെടുപ്പിന് മുന്നോടിയായി യു.ഡി.എഫ് മുന്നണിയുടെ ഭാഗമാകുന്നതിനെക്കുറിച്ച് നിലപാട് വ്യക്തമാക്കി പി.സി.ജോർജ്. യു.ഡി.എഫ് സ്വാഗതം ചെയ്താൽ മുന്നണിയുടെ ഭാഗമാകുന്ന കാര്യം ആലോചിക്കാമെന്ന് പി.സി.ജോർജ് പ്രതികരിച്ചു. പിണറായി വിജയന്റെ ഭരണത്തിന്റെ പോരായ്മകൾ പറയാൻ ആരുമില്ല. ജോസ് കെ മാണി എത്തിയത് ഇടതുപക്ഷ മുന്നണിയെ ഗതികേടിലാക്കുമെന്നും പി. സി.ജോർജ് പറഞ്ഞു.

അതേസമയം പാലാ സീറ്റിലുടക്കി ഇടതുമുന്നണി വിടാൻ എൻ.സി.പി തയ്യാറെടുക്കുന്നു. പാലായിൽ മാണി സി കാപ്പൻ യു.ഡി.എഫ് സ്ഥാനാർത്ഥിയായേക്കും. അതേ സമയം മുന്നണി വിടുന്നതിനെ ശശീന്ദ്രൻ പക്ഷം ശക്തമായി എതിർക്കുന്നു. മുന്നണി മാറ്റം തള്ളുമ്പോഴും പാലായിൽ വിട്ടുവീഴ്ചക്കില്ലെന്ന് ടിപി പീതാംബരനും മാണി സി കാപ്പനും വ്യക്തമാക്കി. ഭാവി പരിപാടി ആലോചിക്കാൻ പാർട്ടി ജില്ലാ കമ്മിറ്റി യോഗങ്ങൾ ചേരും