മുംബയ്: ന്യൂ ഇയർ ആഘോഷിക്കാൻ സുഹൃത്തിന്റെ വീട്ടിലെത്തിയ പത്തൊമ്പതുകാരിയെ മരിച്ച നിലയിൽ കണ്ടെത്തി. ജാൻവി കുക്രേജ എന്ന യുവതിയാണ് മരിച്ചത്. സംഭവത്തിൽ കാമുകനെയും സുഹൃത്തായ യുവതിയേയും പൊലീസ് അറസ്റ്റ് ചെയ്തു.

മുംബയ് ഭഗവതി ഹൈറ്റ്‌സിലെ സുഹൃത്തിന്റെ വീട്ടിലാണ് യുവതിയെ കൊല്ലപ്പെട്ട നിലയിൽ കണ്ടെത്തിയത്.സുഹൃത്തായ ദിവ്യ പടൻകറുടെ വീടിൻറെ മുകളിലത്തെ നിലയിൽ വച്ചായിരുന്നു പാർട്ടി നടന്നത്. ജാൻവിയുടെ കാമുകനായ ശ്രീ ജോഗ്ധന്കറും ന്യൂ ഇയർ പാർട്ടിക്കെത്തിയിരുന്നു.

പാർട്ടിയ്ക്കിടെ ശ്രീയെയും ദിവ്യയെയും അരുതാത്ത സാഹചര്യത്തിൽ ജാൻവി കണ്ടിരുന്നു. ഇത് ചോദ്യം ചെയ്തതാണ് പ്രശ്‌നങ്ങൾക്ക് ഇടയാക്കിയതെന്നാണ് പൊലീസ് പറയുന്നത്. ഇരുവരും ചേർന്ന് യുവതിയെ മർദ്ദിക്കുകയും ചെയ്തു. തുടർന്ന് താഴേക്ക് പോകാനായി സ്റ്റെപ്പിനരികിലെത്തിയ ജാൻവിയെ പിന്തുടർന്നെത്തി താഴേക്ക് തള്ളുകയും ചെയ്തു. സ്റ്റെയർ കേസിലോ മറ്റോ തല ശക്തമായി ഇടിച്ചതാണ് മരണത്തിനിടയാക്കിയതെന്ന് അന്വേഷണ സംഘം അറിയിച്ചു.