മെക്‌സിക്കോ സിറ്റി: ഫൈസർ ബയോൺടെക് വാക്സിൻ സ്വീകരിച്ചതിന് പിന്നാലെ അസ്വസ്ഥതകളുണ്ടായതിനെത്തുടർന്ന് മെക്‌സിക്കോയിലെ ഡോക്ടറെ ആശുപത്രിയിൽ പ്രവേശിപ്പിച്ചു. മുപ്പത്തിരണ്ടുകാരിയായ വനിതാ ഡോക്ടറുടെ ആരോഗ്യനില പരിശോധിച്ചുവരികയാണെന്ന് അധികൃതർ അറിയിച്ചു.
വാക്സിൻ സ്വീകരിച്ചയുടൻ ഡോക്ടർക്ക് ശ്വാസ തടസവും, ത്വക്കിൽ തിണർപ്പും ചൊറിച്ചിലും അനുഭവപ്പെട്ടു. തുടർന്ന് തീവ്രപരിചരണ വിഭാഗത്തിൽ പ്രവേശിപ്പിക്കുകയായിരുന്നു. ഡോക്ടർക്ക് തലച്ചോറിലും നട്ടെല്ലിലും അണുബാധയുണ്ടാകുന്ന എന്‍സെഫലോമയോലൈറ്റിസ് എന്ന അവസ്ഥയാണെന്നാണ് പ്രാഥമിക നിഗമനം.
ഡോക്ടര്‍ക്ക് അലര്‍ജിയുള്ളതായും വാക്‌സിന്‍ സ്വീകരിച്ച മറ്റാര്‍ക്കും പാര്‍ശ്വഫലങ്ങളൊന്നുമുണ്ടായില്ലെന്നും ആരോഗ്യവകുപ്പ് വ്യക്തമാക്കി. വിഷയത്തില്‍ വാക്സിൻ കമ്പനി പ്രതികരിച്ചിട്ടില്ല. കഴിഞ്ഞമാസം 24 നാണ് മെക്‌സികോയില്‍ വാക്‌സിന്റെ ആദ്യഘട്ട കുത്തിവയ്പ് ആരംഭിച്ചത്.