ആലപ്പുഴ: മുസ്ളിം ലീഗിനെയും യു ഡി എഫിനെയും രൂക്ഷമായി വിമർശിച്ച് എസ് എൻ ഡി പി യോഗം ജനറൽ സെക്രട്ടറി വെള്ളാപ്പള്ളി നടേശൻ രംഗത്തെത്തി. യു ഡി എഫ് ഛിന്നഭിന്നമായെന്നും ഒരു വാർത്താ ചാനലിനോട് സംസാരിക്കവെ അദ്ദേഹം പറഞ്ഞു.

'സംസ്ഥാനത്ത് നാളിതുവരെ കേട്ടിട്ടില്ലാത്ത ചില സമവാക്യങ്ങൾ ഉരുത്തിരിയുന്നതായി കാണുന്നു. ഈ കൂട്ടുകെട്ട്‌ വന്നതോടെ കേരള രാഷ്ട്രീയത്തിൽ രമേശ് ചെന്നിത്തലയുടെയും ഉമ്മൻ ചാണ്ടിയുടെയും പ്രസക്തിതന്നെ ഇല്ലാതാവുകയാണ്. കേരള രാഷ്ട്രീയത്തിൽ യു ഡി എഫിനെ ഹൈജാക്ക് ചെയ്ത് കുഞ്ഞാലിക്കുട്ടി കൊണ്ടുപോകുമെന്ന കാര്യത്തിൽ യാതൊരു സംശയവുമില്ല'- വെള്ളാപ്പള്ളി പറഞ്ഞു