മാഡ്രിഡ് : കഴിഞ്ഞ രാത്രി നടന്ന മത്സരത്തിൽ സെൽറ്റ വിഗോയെ മറുപടിയില്ലാത്ത രണ്ട് ഗോളുകൾക്ക് തോൽപ്പിച്ച റയൽ മാഡ്രിഡ് സ്പാനിഷ് ലാ ലിഗ ഫുട്ബാൾ പോയിന്റ് പട്ടികയിൽ ഒന്നാമതെത്തി. ആദ്യ പകുതിയിൽ ലൂക്കാസ് വസ്കേസും രണ്ടാം പകുതിയിൽ അസൻഷ്യോയും നേടിയഗോളുകൾക്കായിരുന്നു റയലിന്റെ വിജയം. ആറാം മിനിട്ടിൽ തകർപ്പനൊരു ഹെഡറിലൂടെയായിരുന്നു വസ്കേസിന്റെ ഗോൾ. 53-ാം മിനിട്ടിലാണ് അസൻഷ്യോ സ്കോർ ചെയ്തത്.

ഈ വിജയത്തോടെ റയലിന് 17മത്സരങ്ങളിൽ നിന്ന് 36 പോയിന്റായി.35 പോയിന്റുള്ള അത്‌ലറ്റിക്കോ മാഡ്രിഡിനെയാണ് റയൽ കീഴടക്കിയത്. എന്നാൽ അത്‌ലറ്റിക്കോ 14 മത്സരങ്ങൾ മാത്രമാണ് പൂർത്തിയാക്കിയത്.