വാഷിംഗ്ടൺ: പ്രശസ്ത ഹോളിവുഡ് നടി ടാന്യ റോബർട്സ് (65)​ അന്തരിച്ചു. മരണകാരണം വ്യക്തമല്ല. ടാന്യയുടെ മരണം കൊവിഡ് ബാധമൂലമല്ലെന്നാണ് പ്രാധമിക വിവരം. വിക്ടോറിയ ലേ ബ്ലം എന്നാണ് ടാന്യയുടെ യഥാർത്ഥ പേര്. ആദ്യ കാലത്ത് മോഡലായിരുന്ന ടാന്യ,​ 1975ൽ ഇറങ്ങിയ ഫോഴ്സ്ഡ് എൻട്രിയിലൂടെയാണ് അഭിനയ ജീവിതം ആരംഭിക്കുന്നത്. 85ൽ ഇറങ്ങിയ വ്യൂ ടു കിൽ എന്ന ജയിംസ് ബോണ്ട് ചിത്രത്തിൽ നായികയായി. ഷീന,​ ബോഡി സ്ലാം,​ നൈറ്റ് ഐസ് തുടങ്ങി നിരവധി ചിത്രങ്ങളിൽ അഭിനയിച്ചു. ചാർലീസ് ഏഞ്ചൽസ് അടക്കം നിരവധി ടെലിവിഷൻ സീരിസുകളുടേയും ഭാഗമായി. 2005ൽ പുറത്തിറങ്ങിയ ബാർബർ ഷോപ്പെന്ന സീരിസിലാണ് അവസാനം അഭിനയിച്ചത്. പരേതനായ ബാരി റോബർട്സ് ആണ് ഭർത്താവ്.