തിരുവനന്തപുരം; പതിനാല്‌ വയസുകാരനായ സ്വന്തം മകനെ അമ്മ ലൈംഗിക പീഡനത്തിനിരയാക്കിയെന്ന് വിവരം. സംഭവത്തിലെ ഇരയായ അച്ഛൻ നൽകിയ പരാതിയെ തുടർന്ന് തിരുവനന്തപുരം കടയ്ക്കാവൂർ പൊലീസ് അമ്മയെ അറസ്റ്റ് ചെയ്തിട്ടുണ്ട്.

പത്ത് വയസ് മുതൽ കുട്ടിയെ അവന്റെ അമ്മയാണ് നോക്കുന്നതെന്നും സംരക്ഷണം അമ്മയ്ക്കാണെന്നും ചൈൽഡ്‌ലൈൻ വഴി നൽകിയ പരാതിയിൽ 14കാരന്റെ അച്ഛൻ പറയുന്നു.

കുട്ടിയെ ഏറെ നാളുകളായി അവന്റെ അമ്മ പീഡനത്തിനിരയാക്കുകയാണെന്നും ഉപദ്രവിക്കുകയാണെന്നും അച്ഛൻ പറയുന്നു. അച്ഛനോട് കുട്ടി ഇക്കാര്യം തുറന്നു പറഞ്ഞതിനെ തുടർന്ന് കുട്ടിയ്ക്ക് ചൈൽഡ്‌ലൈൻ പ്രവർത്തകർ കുട്ടിയ്ക്ക് കൗൺസലിംഗ് നൽകുകയും മൊഴി രേഖപ്പെടുത്തുകയും ചെയ്തു.

അച്ഛനോട് പറഞ്ഞ കാര്യങ്ങൾ തന്നെയാണ് കുട്ടി ചൈൽഡ്ലൈൻ പ്രവർത്തകരോടും പറഞ്ഞത്. തുടർന്ന് ചൈൽഡ്‌ലൈൻ പ്രവർത്തകർ കടയ്ക്കാവൂർ പൊലീസിന് നൽകിയ പരാതിയിൽ കുട്ടിയുടെ അമ്മയെ പോക്‌സോ കുറ്റം ചുമത്തി പൊലീസ് അറസ്റ്റ് ചെയ്യുകയായിരുന്നു.