വാഷിംഗ്ടൺ: കടയിൽ മോഷ്ടാക്കൾ കയറിയതറിഞ്ഞ് അവരെ അറസ്റ്റ് ചെയ്യാനെത്തിയതാണ് മാറ്റ് ലിമി എന്ന പൊലീസുകാരൻ. പക്ഷേ മാറ്റ് ചെയ്തതാകട്ടെ മോഷ്ടാക്കൾക്ക് സ്വന്തം ചിലവിൽ സമ്മാനങ്ങൾ വാങ്ങിനൽകി. അമേരിക്കയിലാണ് സംഭവം. പട്ടിണികാരണം മോഷണത്തിന് ഇറങ്ങിയതാണെന്ന് അറിഞ്ഞതോടെയാണ് അവരെ അറസ്റ്റ് ചെയ്യാതെ വിട്ടയച്ചത്. മസച്ചുസെറ്റ്​സിലെ സോമർസെറ്റ്​ പൊലീസ്​ വിഭാഗം ഓഫീസറാണ് ലിമ.

സോമർസെറ്റിലെ പ്രാദേശിക സൂപ്പർമാർക്കറ്റിൽ കുട്ടികളുമായി എത്തിയ രണ്ടു യുവതികൾ പണം നൽകുന്നതിനിടയിലാണ് വാങ്ങിയ വസ്​തുവകകളിൽ പലതും മോഷ്ടിക്കാൻ ശ്രമിച്ചത്. സ്ഥലത്തെത്തിയ ഉദ്യോഗസ്ഥൻ ഇരുവരെയും ചോദ്യം ചെയ്​തപ്പോഴാണ്​ തൊഴിലില്ലാത്തവരാണെന്നും മക്കൾക്ക്​ ക്രിസ്​മസ്​ ഭക്ഷണമാണ്​ എടുത്തതെന്നും അറിഞ്ഞത്. ഇത് കേട്ട ഉടൻ ലിമ അവർക്ക്​ ആവശ്യമായ മറ്റു വസ്​തുക്കൾ കൂടി വാങ്ങാൻ ഗിഫ്​റ്റ്​ കാർഡ് നൽകുകയായിരുന്നു.