സൗന്ദര്യമായാലും ആരോഗ്യമായാലും കറ്റാർവാഴയെ മറക്കരുത്. അത്രത്തോളം ഗുണഗണങ്ങളുള്ള ഒന്നാണ് കറ്റാർവാഴയെന്ന് സാരം. ഇതാ കറ്റാർവാഴ വച്ചുള്ള ചില സൂത്രവിദ്യകൾ.

• കറ്രാർവാഴയുടെ നീര്, തൈര്, മുൾട്ടാണിമിട്ടി എന്നിവ യോജിപ്പിച്ച് തലയിൽ പുരട്ടി 30 മിനിറ്റിന് ശേഷം കഴുകികളയാം. ഇത് മുടിയുടെ തിളക്കം വർദ്ധിക്കാൻ സഹായിക്കുന്നു.
• കറ്റാർവാഴയുടെ ജെല്ല് ഒരു കോട്ടൺ തുണിയിൽ പൊതിഞ്ഞ് കൺതടത്തിലും കൺപോളകളിലും വയ്ക്കുന്നത് കണ്ണുകൾക്ക് നല്ലതാണ്.
• കറ്റാർവാഴ ജെല്ല്, തുളസിയില നീര്, പുതിനയിലയുടെ നീര് എന്നിവ ഒരു സ്പൂൺ അളവിൽ എടുത്ത് യോജിപ്പ് 20 മിനിറ്റ് നേരം മുഖത്ത് പുരട്ടുക. മുഖത്തെ കറുത്തപാടുകൾ നീക്കാൻ സാധിക്കുന്നു.
• മുഖത്തെ കരിവാളിപ്പാണ് സ്ത്രീകളുടെ മറ്റൊരു പ്രധാന പ്രശ്നം അതിനാൽ ഒരു സ്പൂൺ കറ്റാർവാഴ നീരും, അര സ്പൂൺ കസ്തൂരി മഞ്ഞളും ചേർത്ത് 15 മിനിറ്റ് മുഖത്ത് പുരട്ടാവുന്നതാണ്.
• മുടിയുടെ ആരോഗ്യത്തിനും വളർച്ചയ്‌ക്കും അഴകിനും കറ്റാർവാഴ വളരെ ഉത്തമമാണ്. കറ്റാർവാഴ ചേർത്ത് കാച്ചിയ എണ്ണ തലയിൽ തേയ്‌ക്കാം.