തൃശൂർ: എൻ.ഐ.എ കോടതി ശിക്ഷിച്ച യു.എ.പി.എ കേസിലെ തടവുകാരി വിയ്യൂർ വനിതാ ജയിലിൽ ആത്മഹത്യക്ക് ശ്രമിച്ചു. ബിഹാർ സ്വദേശിനി യാസ്മിൻ മുഹമ്മദ് സാഹിദാണ് കൈഞരമ്പ് മുറിച്ചും , തുണി കഴുകാൻ ഉപയോഗിക്കുന്ന രാസദ്രാവകം കുടിച്ചും ആത്മഹത്യക്ക് ശ്രമിച്ചത്. കാസർകോട് പൊലീസ് രജിസ്റ്റർ ചെയ്യുകയും, തീവ്രവാദ സ്വഭാവമുള്ളതായി കണ്ടെത്തി എൻ.ഐ.എ ഏറ്റെടുക്കുകയും ചെയ്ത കേസിൽ ഏഴ് വർഷത്തേക്ക് ശിക്ഷിച്ച തടവുകാരിയാണ് .2018 മാർച്ചിലാണ് ഇവരെ വിയ്യൂരിലെത്തിച്ചത്. ഉടനെ മെഡിക്കൽ കോളേജാശുപത്രിയിൽ പ്രവേശിപ്പിച്ച ഇവരുടെ ആരോഗ്യനില തൃപ്തികരമാണെന്ന് അധികൃതർ അറിയിച്ചു.