വാഷിംഗ്ടൺ: ജോ ബൈഡന്റെ വിജയത്തെ ചോദ്യം ചെയ്ത് ആയിരക്കണക്കിന് ട്രംപ് അനുകൂലികൾ യു.എസ് പാർലമെന്റായ കാപ്പിറ്റോൾ മന്ദിരത്തിന് മുന്നിലേക്ക് മാർച്ച് ചെയ്യുകയും മന്ദിരത്തിന് മുന്നിലുള്ള സുരക്ഷാ ഉദ്യോഗസ്ഥരുമായി കൈയാങ്കളി നടത്തുകയും ചെയ്തതോടെയാണ് കലാപത്തിന്റെ തുടക്കം.

ബാരിക്കേഡുകൾ മറികടന്ന പ്രതിഷേധക്കാർ മതിലുകളിലൂടെ വലിഞ്ഞുകയറി ജനൽച്ചില്ലുകൾ തകർത്ത് അകത്ത് കയറി. ഇടനാഴികളിലൂടെ പതാകകളും മറ്റുമായി പ്രതിഷേധക്കാർ ഇരച്ചു നീങ്ങി. ഫർണിച്ചർ തല്ലിത്തകർത്തു. സ്പീക്കർ നാൻസി പെലോസിയുടെ ഓഫീസിനകത്തു നിന്ന് ഒരാൾ ഫോട്ടോയെടുത്ത് പോസ്റ്റ് ചെയ്തു. ഒരാൾ സ്പീക്കറുടെ കസേരയിൽ ഇരുന്നു.

സുരക്ഷാ ഉദ്യോഗസ്ഥരെ മറികടന്ന് സഭാംഗങ്ങളുടെ തൊട്ടടുത്തു വരെ അക്രമികൾ എത്തി. ചിലർ വലിച്ചെറിഞ്ഞ അഗ്നിശമനിയിൽ നിന്ന് പുക പരന്നത് ആശങ്കയുണ്ടാക്കി. ചിലർ സഭാംഗങ്ങളെ ചേംബറിൽ നിന്ന് പുറത്തിറങ്ങാൻ സമ്മതിച്ചില്ല. ചിലർ ചേംബറിനകത്ത് അർദ്ധനഗ്നരായി നിന്ന് ചിത്രങ്ങൾ പകർത്തുകയും അട്ടഹസിക്കുകയും ചെയ്തു. ചേംബറിൽ അംഗങ്ങൾ നിലത്തു കിടന്നു. പതിനഞ്ച് മിനിട്ടിലേറെ നീണ്ട ഭീകരാവസ്ഥയ്ക്ക് ശേഷം അംഗങ്ങളെ പുറത്ത് രഹസ്യ വഴികളിലൂടെ സുരക്ഷാകേന്ദ്രത്തിൽ എത്തിച്ചു. പ്രതിഷേധക്കാരെ നേരിടാൻ ഡെമോക്രാറ്റ്, റിപ്പബ്ലിക്കൻ പ്രതിനിധികൾ ഒരുമിച്ചു നിന്നത് ശ്രദ്ധേയമായി. ആഷ്ലി ബാബിറ്റ് എന്ന വനിതയാണ് ആദ്യം കൊല്ലപ്പെട്ടത്. ചേംബറിലെ കോണിപ്പടികൾക്ക് സമീപമായിരുന്നു ഇവരുടെ മൃതദേഹം. സമൂഹമാദ്ധ്യമങ്ങളിൽ സംഭവത്തിന്റെ ദൃശ്യങ്ങളുമുണ്ട്.

​ട്രം​പി​ന്റെ​ ​സാ​മൂ​ഹ​മാ​ദ്ധ്യ​മ​ ​അ​ക്കൗ​ണ്ടു​ക​ൾ​ ​മ​ര​വി​പ്പി​ച്ചു

​കലാപത്തിന് പിന്നാലെ ​ട്വി​റ്റ​ർ​ ​ഉ​ൾ​പ്പെ​ടെ​ ​ട്രം​പി​ന്റെ​ ​സോ​ഷ്യ​ൽ​ ​മീ​ഡി​യ​ ​അ​ക്കൗ​ണ്ടു​ക​ളെ​ല്ലാം​ ​മ​ര​വി​പ്പി​ച്ചു. മൂ​ന്ന് ​വി​വാ​ദ​ ​ട്വീ​റ്റു​ക​ൾ​ ​​നീ​ക്കം​ ​ചെ​യ്തി​ട്ടു​മു​ണ്ട്.​ 12​ ​മ​ണിക്കൂറാ​ണ് ​ട്വി​റ്റ​ർ​ ​ട്രം​പി​നെ​ ​ബ്ലോ​ക്ക് ​ചെ​യ്തി​രി​യ്ക്കു​ന്ന​ത്.​ ​സ​മൂ​ഹ​മാ​ദ്ധ്യ​മ​ങ്ങ​ളി​ലെ​ ​ഉ​ള്ള​ട​ക്ക​ങ്ങ​ളു​മാ​യി​ ​ബ​ന്ധ​പ്പെ​ട്ട​ ​മാ​ർ​ഗ​ ​നി​ർ​ദ്ദേ​ശ​ങ്ങ​ൾ​ ​പ്ര​സി​ഡ​ന്റ് ​ലം​ഘിക്കുന്നു​ ​എ​ന്നാ​രോപിച്ചാണിത്.​ ​ഫേ​സ്ബു​ക്ക്,​ ​ഇ​ൻ​സ്റ്റ​ഗ്രാം​ ​അ​ക്കൗ​ണ്ടു​ക​ളും​ ​മ​ര​വി​പ്പി​ച്ചി​രി​ക്കു​ക​യാ​ണ്.​ 24​ ​മ​ണി​ക്കൂറാണ് ​ഫേ​സ്ബു​ക്ക് ​അ​ക്കൗ​ണ്ട് ​ബ്ലോ​ക്ക് ​ചെ​യ്ത​ത്.

​

ഭരണം കൈമാറാൻ റെഡി: ട്രംപ്

കാ​പ്പി​റ്റോ​ൾ​ ​മ​ന്ദി​ര​ത്തി​ലെ​ ​ര​ക്ത​ച്ചൊ​രി​ച്ചി​ലി​നൊ​ടു​വി​ൽ​ ​ഭ​ര​ണം​ ​കൈ​മാ​റാ​ൻ​ ​സ​ന്ന​ദ്ധ​ത​ ​പ്ര​ക​ടി​പ്പി​ച്ച് ​പ്ര​സി​ഡ​ന്റ് ​ഡൊ​ണാ​ൾ​ഡ് ​ട്രം​പ്.​ ​ ‘​ക്ര​മ​പ്ര​കാ​ര​മു​ള്ള​ ​കൈ​മാ​റ്റം​’​ ​ഉ​റ​പ്പാ​ക്കു​മെ​ന്ന്​ ​പ​റ​ഞ്ഞ​ ​ട്രം​പ്,​ ​രാ​ഷ്ട്രീ​യ​ത്തി​ന്റെ​ ​മു​ൻ​നി​ര​യി​ൽ​ ​താ​നു​ണ്ടാ​കു​മെ​ന്നും​ ​വ്യ​ക്ത​മാ​ക്കി.​

'​തി​ര​ഞ്ഞെ​ടു​പ്പ് ​ഫ​ലം​ ​പൂ​ർ​ണ​മാ​യും​ ​അം​ഗീ​ക​രി​ക്കു​ന്നി​ല്ല.​ ​​ക്ര​മ​പ്ര​കാ​ര​മു​ള്ള​ ​അ​ധി​കാ​ര​മാ​റ്റം​ 20​ന് ​ന​ട​ക്കും.​ ​നി​യ​മ​പ്ര​കാ​ര​മു​ള്ള​ ​വോ​ട്ടു​ക​ൾ​ ​മാ​ത്രം​ ​എ​ണ്ണ​ണ​മെ​ന്ന് ​ആ​വ​ശ്യ​പ്പെ​ട്ടു​ള്ള​ ​പോ​രാ​ട്ടം​ ​തു​ട​രും.​ ​മ​ഹ​ത്താ​യ​ ​പ്ര​സി​ഡ​ന്റ് ​ച​രി​ത്ര​ത്തി​ന്റെ​ ​ആ​ദ്യ​ഘ​ട്ടം​ ​ഇ​വി​ടെ​ ​അ​വ​സാ​നി​ക്കു​ക​യാ​ണ്.​ ​അ​മേ​രി​ക്ക​യെ​ ​മ​ഹ​ത്ത​ര​മാ​ക്കാ​നു​ള്ള​ ​പോ​രാ​ട്ട​ത്തി​ന്റെ​ ​തു​ട​ക്ക​മാ​ണി​ത്.​’​–​ ​ട്രം​പ് ​പ​റ​ഞ്ഞു.​ 2024​ലെ​ ​പ്ര​സി​ഡ​ന്റ് ​തി​ര​ഞ്ഞെ​ടു​പ്പി​ൽ​ ​ട്രം​പ് ​മ​ത്സ​രി​ക്കു​മെ​ന്ന​ ​അ​ഭ്യൂ​ഹ​ങ്ങ​ളെ​ ​ബ​ല​പ്പെ​ടു​ത്തു​ന്ന​താ​ണിത്.

 ആ​ഷ്‌​ലി​ ​ബാ​ബി​റ്റ്:​ ​ട്രം​പ് ​അ​നു​കൂ​ലി,​ ​മു​ൻ​ ​വ്യോ​മ​സേ​നാ​ ​ഉ​ദ്യോ​ഗ​സ്ഥ

​ക​ലാ​പ​ത്തി​നി​ടെ​ ​കൊ​ല്ല​പ്പെ​ട്ട​ ​ആ​ഷ്ലി​ ​ബാ​ബി​റ്റ് ​മു​ൻ​ ​വ്യോ​മ​സേ​ന​ ​ഉ​ദ്യോ​ഗ​സ്ഥ​യും​ ​ട്രം​പ് ​അ​നു​കൂ​ലി​യു​മാ​ണ്.​ ​കാ​ലി​ഫോ​ർ​ണി​യ​യി​ലെ​ ​സാ​ൻ​ ​ഡി​യാ​ഗോ​ ​സ്വ​ദേ​ശി​നി​യാ​യ​ ​ആ​ഷ്ലി​ ​ഡൊ​ണാ​ൾ​ഡ് ​ട്രം​പി​ന്റെ​ ​ക​ടു​ത്ത​ ​അ​നു​കൂ​ലി​യാ​യി​രു​ന്നു.​ 14​ ​വ​ർ​ഷം​ ​ഇ​വ​ർ​ ​വ്യോ​മ​സേ​ന​യി​ൽ​ ​സേ​വ​ന​മ​നു​ഷ്ഠി​ച്ചെ​ന്നാ​ണ് ​റി​പ്പോ​ർ​ട്ടു​ക​ൾ.
കാ​പ്പി​റ്റോ​ൾ​ ​കെ​ട്ടി​ട​ത്തി​ന്റെ​ ​ഉ​ള്ളി​ൽ​ ​വ​ച്ചാ​ണ് ​ആ​ഷ്ലി​ക്ക് ​വെ​ടി​യേ​റ്റ​ത്.​ ​​ ​ട്രം​പി​നെ​ ​അ​നു​കൂ​ലി​ച്ചു​ ​കൊ​ണ്ടു​ള്ള​ ​ആ​ഷ്ലി​യു​ടെ​ ​ട്വീ​റ്റു​ക​ളും​ ​പു​റ​ത്തു​വ​ന്നി​ട്ടു​ണ്ട്.​ ​ഇ​ന്ന​ലെ​ ​ന​ട​ന്ന​ ​റാ​ലി​യി​ൽ​ ​പ​ങ്കെ​ടു​ക്കു​ന്ന​ ​വി​വ​ര​വും​ ​ട്വീ​റ്റു​ക​ളി​ലു​ണ്ട്.​ ​'​ഒ​ന്നി​നും​ ​ന​മ്മ​ളെ​ ​ത​ടു​ക്കാ​നാ​വി​ല്ല,​ ​അ​വ​ർ​ ​എ​ത്ര​ ​ശ്ര​മി​ച്ചു​കൊ​ണ്ടി​രു​ന്നാ​ലും​ ​കൊ​ടു​ങ്കാ​റ്റ് ​വാ​ഷിം​ഗ്ട​ണി​ന്​ ​മേ​ൽ​ 24​ ​മ​ണി​ക്കൂ​റി​നു​ള്ളി​ൽ​ ​വീ​ശും.​ ​ഇ​രു​ട്ടി​ൽ​ ​നി​ന്ന് ​വെ​ളി​ച്ച​ത്തി​ലേ​ക്ക്',​ ​എ​ന്നാ​യി​രു​ന്നു​ ​ആ​ഷ്ലി​ ​ചൊ​വ്വാ​ഴ്ച​ ​ചെ​യ്ത​ ​ട്വീ​റ്റ്.

ക​ലാ​പ​ത്തി​നി​ടെ​ ​ഇ​ന്ത്യ​ൻ​ ​പ​താ​ക​യും

കാ​പി​റ്റോ​ൾ​ ​ക​ലാ​പ​ത്തി​ൽ​ ​പ്ര​ത്യ​ക്ഷ​പ്പെ​ട്ട​ ​ഇ​ന്ത്യ​ൻ​ ​പ​താ​ക​ ​വൈ​റ​ലാ​കു​ന്നു.​ ​വീ​ഡി​യോ​ ​ദൃ​ശ്യ​ങ്ങ​ളി​ൽ​ ​ഇ​ന്ത്യ​ൻ​ ​പ​താ​ക​ ​വ്യ​ക്ത​മാ​യി​ ​കാ​ണാം.​ ​എ​ന്നാ​ൽ,​ ​പ​താ​ക​ ​കൈയി​ലേ​ന്തി​ ​നി​ൽ​ക്കു​ന്ന​ത് ​ആ​രാ​ണെ​ന്നോ​ ​ഇ​ത്ത​ര​ത്തി​ൽ​ ​ഉ​യ​ർ​ത്തു​വാ​ൻ​ ​കാ​ര​ണം​ ​എ​ന്താ​ണെ​ന്നോ​ ​വ്യ​ക്ത​മ​ല്ല.​ ​ബി.​ജെ.​പി​ ​എം.പി ​വ​രു​ൺ​ ​ഗാ​ന്ധി​ ​വീ​ഡി​യോ​ ​ട്വി​റ്റ​റി​ൽ​ ​റീ​ട്വീ​റ്റ് ​ചെ​യ്തി​ട്ടു​ണ്ട്.​ ​'എ​ന്തി​നാ​ണ് ​അ​വി​ടു​യൊ​രു​ ​ഇ​ന്ത്യ​ൻ​ ​പ​താ​ക.​ ​ന​മു​ക്ക് ​തീ​ർ​ച്ച​യാ​യും​ ​പ​ങ്കെ​ടു​ക്കേ​ണ്ട​ ​ആ​വ​ശ്യ​മി​ല്ലാ​ത്ത​ ​ഒ​രു​ ​പോ​രാ​ട്ട​മാ​ണ​ത്'-​എ​ന്നാ​യി​രു​ന്നു​ ​​ട്വീ​റ്റ്.

 അ​പ​ല​പി​ച്ച് ​ലോ​ക​നേ​താ​ക്കൾ

വാ​ഷിം​ഗ്ട​ണി​ലെ​ ​ക​ലാ​പ​ത്തെ​ ​കു​റി​ച്ചു​ള്ള​ ​വാ​ർ​ത്ത​ക​ളിൽ ദുഃ​ഖ​മു​ണ്ട്.​ ​സ​മാ​ധാ​ന​പ​ര​മാ​യ​ ​ഭ​ര​ണ​കൈ​മാ​റ്റം​ ​നി​ർ​ബ​ന്ധ​മാ​യും​ ​തു​ട​രേ​ണ്ട​തു​ണ്ട്.​ ​നി​യ​മ​വി​രു​ദ്ധ​മാ​യ​ ​പ്ര​തി​ഷേ​ധ​ങ്ങ​ളി​ലൂ​ടെ​ ​ജ​നാ​ധി​പ​ത്യ​ ​ന​ട​പ​ടി​ക​ൾ​ ​ധ്വം​സി​ക്ക​പ്പെ​ടാ​ൻ​ ​പാ​ടി​ല്ല.
-ന​രേ​ന്ദ്ര​ ​മോ​ദി​,​ ​ഇ​ന്ത്യ​ൻ​ ​പ്ര​ധാ​ന​മ​ന്ത്രി​

യു.​എ​സ് ​കോ​ൺ​ഗ്ര​സി​ലു​ണ്ടാ​യത്​ ​അ​പ​മാ​ന​ക​ര​മാ​യ​ ​രം​ഗ​ങ്ങളാണ്. ​ജ​നാ​ധി​പ​ത്യ​ത്തി​നാ​യി​ ​നി​ല​കൊ​ള്ളു​ന്ന​ ​രാ​ജ്യ​മാ​ണ്‌​ ​അ​മേ​രി​ക്ക.​ ​സ​മാ​ധാ​ന​പ​ര​മാ​യും​ ​ചി​ട്ട​യോ​ടെ​യും​ ​അ​ധി​കാ​ര​കൈ​മാ​റ്റം​ ​ന​ട​ത്തേ​ണ്ട​ത് ​അ​ത്യാ​വ​ശ്യ​മാ​ണ്.
ബോ​റി​സ് ​ജോ​ൺ​സൻ, ബ്രിട്ടീഷ് ​പ്ര​ധാ​ന​മ​ന്ത്രി

വാ​ഷിം​ഗ്ട​ണി​ൽ​ ​ന​ട​ന്ന​ത് ​അ​മേ​രി​ക്ക​ക്കാ​ർ​ക്ക് ​ചേ​ർ​ന്ന​ത​ല്ല.​ ​ജ​നാ​ധി​പ​ത്യ​ത്തെ​ ​ചോ​ദ്യം​ ​ചെ​യ്യാ​ൻ​ ​ആ​ഗ്ര​ഹി​ക്കു​ന്ന​ ​കു​റ​ച്ചു​പേ​രു​ടെ​ ​അ​ക്ര​മ​ത്തി​ന് ​ഞ​ങ്ങ​ൾ​ ​വ​ഴ​ങ്ങി​ല്ല.
- ഇ​മ്മാ​നു​വ​ൽ​ ​മ​ക്രോൺ, ഫ്രഞ്ച് ​പ്ര​സി​ഡ​ന്റ്

കാ​പി​റ്റോ​ളി​ലെ​ ​രം​ഗ​ങ്ങ​ൾ​ ​ജ​നാ​ധി​പ​ത്യ​ത്തി​ന് ​നേ​രെ​യു​ള​ള​ ​ആ​ക്ര​മ​ണ​മാ​ണ്.​ ​ഇ​തി​ൽ,​ ​കാ​നേ​ഡി​യ​ന്‍​ ​ജ​ന​ത​ ​വ​ള​രെ​യ​ധി​കം​ ​ദുഃ​ഖി​ക്കു​ന്നു.
- ജ​സ്റ്റി​ൻ​ ​ട്രൂ​ഡോ, ക​നേ​ഡി​യ​ൻ​ ​പ്ര​ധാ​ന​മ​ന്ത്രി

ഇ​ത്​​ ​രാ​ജ്യ​ത്തി​ന്​​ ​നാ​ണ​ക്കേ​ടും​ ​അ​പ​മാ​ന​വു​മാണ്. ​ ​നു​ണ​യാ​ണ് ​ഡൊ​ണാ​ൾ​ഡ്​​​​ ​ട്രം​പ്​​ ​നി​ര​ന്ത​ര​മാ​യി​ ​ആ​വ​ർ​ത്തി​ക്കു​ന്ന​ത്​.​ ​അ​നു​നാ​യി​ക​ളോ​ട്​​ ​സ​ത്യം​ ​പ​റ​യാ​ൻ​ ​ട്രം​പ്​​ ​ത​യ്യാറാകണം.

-ബറാക് ഒബാമ, മുൻ അമേരിക്കൻ പ്രസിഡന്റ്

ക​ലാ​പ​കാ​രി​കളല്ല, രാജ്യ സ്നേഹികളെന്ന് ​ഇ​വാ​ൻക
ക്യാ​പ്പി​റ്റോ​ളി​ലേ​ക്ക് ​അ​തി​ക്ര​മി​ച്ച് ​ക​യ​റി​യ​ ​ക​ലാ​പ​കാ​രി​ക​ളെ​ ​രാ​ജ്യ​സ്നേ​ഹി​ക​ളെ​ന്ന് ​വി​ളി​ച്ച് ​പ്ര​സി​ഡ​ന്റ് ​ഡൊ​ണാ​ൾ​ഡ് ​ട്രം​പി​ന്റെ​ ​മ​ക​ൾ​ ​ഇ​വാ​ൻ​ക​ ​ട്രം​പ്.​ ​'​അ​മേ​രി​ക്ക​ൻ​ ​രാ​ജ്യ​സ്‌​നേ​ഹി​ക​ളെ,​ ​സു​ര​ക്ഷാ​ ​വീ​ഴ്ച​ക​ളും​ ​ക്ര​മ​സ​മാ​ധാ​ന​ ​പാ​ല​ന​ത്തി​ൽ​ ​ത​ട​സം​ ​നി​ൽ​ക്കു​ന്ന​തും​ ​അം​ഗീ​ക​രി​ക്കാ​ൻ​ ​ക​ഴി​യാ​ത്ത​താ​ണ്.​ ​അ​ക്ര​മം​ ​പെ​ട്ടെ​ന്ന് ​അ​വ​സാ​നി​പ്പി​ക്ക​ണം.​ ​സ​മാ​ധാ​ന​പ​ര​മാ​യി​ ​നി​ൽ​ക്ക​ണം​'​ ​എ​ന്നാ​യി​രു​ന്നു​ ​ഇ​വാ​ൻ​കയുടെ​ ​ട്വീ​റ്റ്. ​എ​ന്നാ​ൽ,​ ​വി​മ​ർ​ശ​നം​ ​ഉ​യ​ർ​ന്ന​തോ​ടെ​ ​​ട്വീ​റ്റ് ​ഡി​ലീ​റ്റ്​ ​ചെ​യ്തു.