തിരുവനന്തപുരം: കേരള സർവകലാശാല യൂണിയൻ, സെനറ്റ് തിരഞ്ഞെടുപ്പുകളിൽ എസ്.എഫ്.ഐ ഉജ്ജ്വല വിജയം നേടി. യൂണിയൻ ചെയർപേഴ്സണായി ടി.കെ.എം.എം നങ്ങ്യാർകുളങ്ങരയിലെ ഒന്നാം വർഷ എം.കോം വിദ്യാർത്ഥി അനില രാജും ജനറൽ സെക്രട്ടറിയായി തിരുവനന്തപുരം ഗവ. സംസ്‌കൃത കോളേജിലെ ഒന്നാം വർഷ ബി.എ വിദ്യാർത്ഥി നകുൽ ജയചന്ദ്രനും തിരഞ്ഞെടുക്കപ്പെട്ടു.
വൈസ് ചെയർമാൻമാർ: അയിഷ ബാബു (എസ്.എൻ കോളേജ്, കൊല്ലം), ദൃശ്യമോൾ ടി.കെ (എൻ.എസ്.എസ് കോളേജ്, പന്തളം ), ശ്രുതി പി.വി (ഇക്ബാൽ ടെയിനിംഗ് കോളേജ് ,പെരിങ്ങമല), ജോയിന്റ് സെക്രട്ടറി: അരവിന്ദ് രാജ് (ബിഷപ്പ് മൂർ കോളേജ്, മാവേലിക്കര) മുഹമ്മദ് റഫീക്ക് (സെന്റ് സിറിൾസ് കോളേജ്, അടൂർ).
അക്കൗണ്ട്‌സ്, സ്റ്റുഡന്റ്‌സ് കൗൺസിൽ സീറ്റുകൾ മുഴുവനും, എക്‌സിക്യൂട്ടീവിൽ 15 ൽ പതിനാലിലും എസ്.എഫ്.ഐ പാനൽ വിജയിച്ചു. ഒന്ന് വീതം സെനറ്റ്, എക്‌സിക്യൂട്ടീവ്, സ്റ്റുഡന്റ്‌സ് കൗൺസിൽ സീറ്റുകളിൽ എസ്.എഫ്.ഐ, എ.ഐ.എസ്.എഫ് സ്ഥാനാർത്ഥികളെ പിന്തുണച്ചു. സെനറ്റിൽ ജയിച്ച കേരള ലോ അക്കാഡമി അഞ്ചാം വർഷ വിദ്യാർത്ഥി ജോയൽ ജോൺ ജോസഫ് ഒഴികെ കെ.എസ്.യു സ്ഥാനാർത്ഥികൾ വിജയിച്ചില്ല.
സെനറ്റിൽ ജയിച്ചവർ: റിയാസ് വഹാബ് (എസ്.എഫ്.ഐ സംസ്ഥാന സെക്രട്ടറിയേറ്റ് അംഗം, കാര്യവട്ടം കാമ്പസ്), ആര്യ പ്രസാദ് (എസ്.എഫ്.ഐ സംസ്ഥാന കമ്മിറ്റി അഗം, ഡി.ബി കോളേജ് ശാസ്താംകോട്ട), അലീന അമൽ (സി.എസ്.ഐ ഇൻസ്റ്റിറ്റ്യൂട്ട് ഒഫ് ലീഗൽ സ്റ്റഡീസ്), അൽ ആനന്ദ് (ലാ അക്കാഡമി), അനന്ദു.എ (എസ്.എൻ കോളേജ്, കൊല്ലം), ചന്ദു എ.എൽ (യുണിവേഴ്‌സിറ്റി കോളേജ്), നൗഫൽ.എൻ (കാര്യവട്ടം കാമ്പസ്), സച്ചു എസ്.നായർ (ഗവ. ലോ കോളേജ് തിരുവനന്തപുരം), അനന്ദു എസ്. പോച്ചയിൽ (എ.ഐ.എസ്.എഫ് സ്ഥാനാർത്ഥി, ലോ അക്കാഡമി).
അഭിവാദ്യ പ്രകടനത്തിൽ എസ്.എഫ്.ഐ സംസ്ഥാന സെക്രട്ടറി കെ.എം സച്ചിൻ ദേവ്, പ്രസിഡന്റ് വി.എ വിനീഷ്, എ.ഐ.എസ്.എഫ് സംസ്ഥാന സെക്രട്ടറി അരുൺ ബാബു തുടങ്ങിയവർ പങ്കെടുത്തു.