ന്യൂയോർക്ക്: ലോകത്ത് കൊവിഡ് ബാധിതരുടെ എണ്ണം എട്ട് കോടി തൊണ്ണൂറ്റി രണ്ട് ലക്ഷം പിന്നിട്ടു. ഏഴര ലക്ഷത്തിലധികം പുതിയ കേസുകളാണ് റിപ്പോർട്ട് ചെയ്തത്. 19,20,357 പേർ മരണമടഞ്ഞു.ആറ് കോടി മുപ്പത്തിയൊമ്പത് ലക്ഷം പേർ രോഗമുക്തി നേടി. അമേരിക്ക, ഇന്ത്യ, ബ്രസീൽ എന്നീ രാജ്യങ്ങളാണ് രോഗികളുടെ എണ്ണത്തിൽ ആദ്യ മൂന്ന് സ്ഥാനങ്ങളിലുള്ളത്.

ഇന്ത്യയിൽ കൊവിഡ് ബാധിതരുടെ എണ്ണം 1,04,13,417 ആയി ഉയർന്നു.നിലവിൽ 2,25,449 പേരാണ് ചികിത്സയിലുള്ളത്. ഒന്നരലക്ഷം പേർ മരിച്ചു.രോഗമുക്തി നേടിയവരുടെ എണ്ണം ഒരു കോടി കടന്നു. കഴിഞ്ഞദിവസം 20,539 പേരാണ് രോഗമുക്തി നേടിയത്.

അമേരിക്കയിൽ കൊവിഡ് ബാധിതരുടെ എണ്ണം രണ്ട് കോടി ഇരുപത്തിനാല് ലക്ഷം കടന്നു. രണ്ടര ലക്ഷത്തിലധികം പുതിയ കേസുകൾ റിപ്പോർട്ട് ചെയ്തു. 3.77 ലക്ഷം പേർ മരിച്ചു. ഒരു കോടി മുപ്പത്തിരണ്ട് ലക്ഷം പേർ സുഖം പ്രാപിച്ചു.

ബ്രസീലിൽ കൊവിഡ് ബാധിതരുടെ എണ്ണം എൺപത് ലക്ഷം കടന്നു. രണ്ട് ലക്ഷം പേർ മരിച്ചു. രോഗമുക്തി നേടിയവരുടെ എണ്ണം എഴുപത്തിയൊന്ന് ലക്ഷം പിന്നിട്ടു. ബ്രിട്ടനിലും സ്ഥിതി അതീവ ഗുരുതരമായി തുടരുകയാണ്.രാജ്യത്ത് ഇരുപത്തിയൊമ്പത് ലക്ഷത്തിലധികം പേർക്കാണ് വൈറസ് ബാധ സ്ഥിരീകരിച്ചത്. അമ്പതിനായിരത്തിലധികം പുതിയ കേസുകൾ റിപ്പോർട്ട് ചെയ്തു.