കൊച്ചി: രാഷ്‌ട്രീയ നിലപാട് വ്യക്തമാക്കി മുൻ ഹൈക്കോടതി ജഡ്ജി ജസ്റ്റിസ് ബി കെമാൽ പാഷ.യുഡിഎഫ് ക്ഷണിച്ചാൽ അടുത്ത നിയമസഭാ തിരഞ്ഞെടുപ്പിൽ സ്ഥാനാർത്ഥിയാകുമെന്നും, നിയമസഭയിലെത്തിയാൽ കുറേ കാര്യങ്ങൾ ചെയ്യാൻ സാധിക്കുമെന്നും അദ്ദേഹം പറഞ്ഞു.

വേറിട്ട ശബ്ദമായി നിന്നിട്ട് കാര്യമില്ല എന്ന തിരിച്ചറിവിലാണ് ഈ തീരുമാനമെന്നും ജസ്റ്റിസ് കെമാൽ പാഷ ഒരു

മാദ്ധ്യമത്തോട് പറഞ്ഞു. എൽഡിഎഫിന് തന്നോട് താൽപര്യമില്ല, ബിജെപിയോട് തനിക്കും താൽപര്യമില്ലെന്നും അദ്ദേഹം വ്യക്തമാക്കി.

എറണാകുളത്തെ ഏതെങ്കിലും മണ്ഡലത്തിൽ മത്സരിക്കാനാണ് താൽപര്യം. എംഎൽഎ ആയാൽ തനിക്ക് ശമ്പളം വേണ്ടന്നും അദ്ദേഹം പറഞ്ഞു. വൈറ്റില മേൽപ്പാല ഉദ്ഘാടനത്തിന് മുമ്പ് തുറന്നുകൊടുത്ത സംഭവവുമായി ബന്ധപ്പെട്ട് കഴിഞ്ഞ ദിവസം ജ. കെമാൽ പാഷ നടത്തിയ പരാർമശം വിവാദമായിരുന്നു. ആരുടെയും തറവാട്ടിലെ തേങ്ങാവെട്ടിയല്ല പാലം ഉണ്ടാക്കിയതെന്നും, ജനങ്ങളുടെ നികുതിപ്പണം കൊണ്ടാണെന്നുമായിരുന്നു അദ്ദേഹത്തിന്റെ പരാമർശം