ചെന്നൈ: രജനീകാന്ത് രാഷ്ട്രീയത്തിലിറങ്ങണമെന്നാവശ്യപ്പെട്ടുകൊണ്ട് തമിഴ്നാട്ടിൽ ആരാധകരുടെ നിരാഹാര സമരം.ചെന്നൈ വള്ളൂർകോട്ടത്താണ് പ്രതിഷേധം നടക്കുന്നത്. സമരം തമിഴ്‌നാട്ടിലുടനീളം വ്യാപിപ്പിക്കാനാണ് ആരാധകരുടെ തീരുമാനം.

സ്ത്രീകൾ ഉൾപ്പടെ രണ്ട് ലക്ഷത്തോളം പേർ സമരത്തിന്റെ ഭാഗമാകും. പ്രതിഷേധത്തിൽ രജനി മക്കൾ മൺറത്തിലെ ഒരു വിഭാഗവും പങ്കെടുക്കുന്നു. ഈ പ്രതിഷേധം കണ്ടിട്ടെങ്കിലും മനസ് മാറി അദ്ദേഹം രാഷ്ട്രീയത്തിലേക്ക് വരുമെന്ന പ്രതീക്ഷയുണ്ടെന്നാണ് ആരാധകർ പറയുന്നത്.

ഇന്ന് ഉച്ചവരെ സമരം ചെയ്യാനാണ് പൊലീസ് അനുമതി നൽകിയിരിക്കുന്നത്. സമരത്തോട് രജനീകാന്ത് പ്രതികരിച്ചിട്ടില്ല. അനാരോഗ്യം കാരണം രാഷ്ട്രീയത്തിലിറങ്ങുന്നില്ലെന്ന് ദിവസങ്ങൾക്ക് മുമ്പാണ് രജനീകാന്ത് അറിയിച്ചത്.