ന്യൂഡൽഹി : ഇന്ത്യയുടെ റിപ്പബ്ലിക് ദിനത്തിൽ സൗത്ത് അമേരിക്കൻ രാജ്യമായ സുരിനാമിന്റെ പ്രസിഡന്റ് ചന്ദ്രികപെർസാദ് സന്തോഖി മുഖ്യാതിഥിയാകും. ബ്രിട്ടീഷ് പ്രധാനമന്ത്രി ബോറിസ് ജോൺസൺ ഇന്ത്യാ സന്ദർശനം റദ്ദാക്കിയതിന് പിന്നാലെയാണ് ഇന്ത്യൻ വംശജൻ കൂടിയായ സൂരിനാം പ്രസിഡന്റ് മുഖ്യാതിഥിയായി എത്തുന്നത്.

കേന്ദ്രസർക്കാരിന്റെ പ്രവാസി ഭാരതീയ സമ്മാൻ പുരസ്‌കാരത്തിന് ചന്ദ്രികപെർസാദ് അർഹനായിരുന്നു. പ്രവാസി ഭാരതീയ ദിവസ് കൺവെൻഷന്റെ മുഖ്യാതിഥിയും ചന്ദ്രികപെർസാദ് ആയിരുന്നു.

ജനിതക മാറ്റം സംഭവിച്ച കൊവിഡ് വൈറസിന്റെ വ്യാപനം ശക്തമായതിനെ തുടർന്നാണ് ബോറിസ് ജോൺസൺ ഇന്ത്യാസന്ദർശനം റദ്ദാക്കിയത്. 2020 ജൂലൈ 20നാണ് ചന്ദ്രികപെർസാദ് സുരിനാം പ്രസിഡന്റായി സ്ഥാനമേറ്റത്.