കൊച്ചി: ആഭരണപ്രിയർക്ക് ആശ്വാസവുമായി പുതുവർഷത്തിൽ സ്വർണവില വൻതോതിൽ കുറയുന്നു. ഇന്നലെ 320 രൂപ താഴ്‌ന്ന് പവൻവില 36,​720 രൂപയിലെത്തി. 40 രൂപ കുറഞ്ഞ് 4,​590 രൂപയാണ് ഗ്രാമിന്. കഴിഞ്ഞ ആഗസ്‌റ്റിൽ പവൻ വില 42,​000 രൂപയിലും ഗ്രാം വില 5,​250 രൂപയിലും എത്തിയിരുന്നു. ഈമാസം അഞ്ചിന് പവൻവില 38,​400 രൂപയും ഗ്രാം വില 4,​800 രൂപയും ആയിരുന്നു. അന്നുമുതൽ ഇതുവരെ പവന് 1,​680 രൂപ കുറഞ്ഞു. ഗ്രാമിന് കുറഞ്ഞത് 210 രൂപ.

കഴിഞ്ഞയാഴ്‌ച ഔൺസിന് 1,​917 ഡോളറായിരുന്ന രാജ്യാന്തരവില ഇന്നലെയുള്ളത് 1,​836 ഡോളറിലാണ്. ഇതിനുപുറമേ,​ ഓഹരി വിപണികളുടെ മുന്നേറ്റവുമാണ് സ്വർണത്തിന് തിരിച്ചടിയാകുന്നത്.