റിയാദ്: ദക്ഷിണ സൗദിയിൽ അസീർ മേഖയിൽ ശക്തമായ മഞ്ഞുവീഴ്ചയുണ്ടായി. തിങ്കളാഴ്ച രാവിലെയാണ് ബല്ലസ്മറിന്റെ ഭാഗങ്ങളിൽ മഞ്ഞുറഞ്ഞു കിടക്കുന്നത് ശ്രദ്ധയിൽപ്പെട്ടതെന്നും ഈ മേഖലയുടെ പ്രത്യേകതകൾ പരിഗണിക്കുമ്പോൾ ഇത് അപൂർവമായ ഒരു സംഭവമാണെന്നും ദേശീയ കാലാവസ്ഥ നിരീക്ഷണ കേന്ദ്രം അറിയിച്ചു.
സമുദ്രനിരപ്പിൽ നിന്ന് 3000 മീറ്റർ ഉയരത്തിലാണ് ഈ പ്രദേശങ്ങൾ സ്ഥിതിചെയ്യുന്നത്. റോഡുകളിലും മരചില്ലകളിലുമെല്ലാം മഞ്ഞുവീണ് ഉറഞ്ഞുകിടക്കുകയാണ്.