ചെന്നൈ:വിജയ് ചിത്രം മാസ്റ്ററിന്‍റെ ക്ലൈമാക്സ് ചോര്‍ന്നു. സമൂഹമാദ്ധ്യമങ്ങളിലാണ് ചിത്രത്തിന്റെ പ്രധാന ഭാഗങ്ങൾ പ്രചരിക്കുന്നത്. ഒന്നര വർഷത്തെ അധ്വാനം തകർക്കരുതെന്ന് സംവിധായകൻ ലോകേഷ് കനകരാജ് ട്വിറ്ററിലൂടെ ആവശ്യപ്പെട്ടു.
“പ്രിയപ്പെട്ടവരേ, ഒന്നരവർഷത്തെ കഷ്ടപ്പാടിന് ശേഷമാണ് മാസ്റ്റർ സിനിമയെ നിങ്ങളിലേക്ക് എത്തിക്കുന്നത്. അത് നിങ്ങൾ തിയേറ്ററുകളിൽ ആസ്വദിക്കുമെന്ന പ്രതീക്ഷ മാത്രമാണ് ഞങ്ങൾക്കുള്ളത്. സിനിമയിൽ നിന്ന് ചോർന്ന ക്ലിപ്പുകൾ നിങ്ങൾക്ക് ലഭിക്കുകയാണെങ്കിൽ, ദയവായി ഇത് പങ്കിടരുത്. നിങ്ങൾക്ക് എല്ലാവർക്കും നന്ദി. എല്ലാവർക്കും സ്നേഹം. ഒരു ദിവസം കൂടിയേ ഉള്ളൂ. പിന്നെ മാസ്റ്റർ നിങ്ങളിലേക്ക്....” അദ്ദേഹം ട്വീറ്റ് ചെയ്തു.
Dear all
— Lokesh Kanagaraj (@Dir_Lokesh) January 11, 2021
It's been a 1.5 year long struggle to bring Master to u. All we have is hope that you'll enjoy it in theatres. If u come across leaked clips from the movie, please don't share it 🙏🏻 Thank u all. Love u all. One more day and #Master is all yours.
കഴിഞ്ഞ ദിവസം വിതരണക്കാർക്കായി ഒരു ഷോ നടത്തിയിരുന്നു. ഇവിടെ നിന്നാകാം ചിത്രത്തിലെ രംഗങ്ങൾ ചോർന്നതെന്നാണ് സൂചന. വിതരണക്കമ്പനിയിലെ ജീവനക്കാരനെതിരെ നിർമാണ കമ്പനി പൊലീസില്‍ പരാതി നൽകി. നാളെയാണ് ചിത്രം റിലീസ് ചെയ്യുന്നത്.