തിരുവനന്തപുരം : സംസ്ഥാന ബഡ്ജറ്റ് അവതരണം നിയമസഭയിൽ പുരോഗമിക്കവേ സാധാരണക്കാർക്ക് പ്രയോജനകരമായ നിരവധി പ്രഖ്യാപനങ്ങളാണ് ഉൾക്കൊള്ളിച്ചിട്ടുള്ളത്. കൊവിഡാനന്തരകാലത്തെ വെല്ലുവിളികൾ അതിജീവിക്കാനുതകുന്ന പദ്ധതികളാണ് ഉൾപ്പെടുത്തിയിട്ടുള്ളത്. പ്രവാസികൾ അടക്കമുള്ളവർക്ക് പ്രയോജനപ്പെടുന്ന നിരവധി പദ്ധതികളും പ്രഖ്യാപിച്ചിട്ടുണ്ട്. നിരവധി അലവൻസുകളും ക്ഷേമപെൻഷനും വർദ്ധിപ്പിച്ചിട്ടുണ്ട്. പ്രധാനപ്പെട്ടവ ചുവടെ

• തൊഴിലുറപ്പ് തൊഴിലാളികൾക്ക് ക്ഷേമനിധി, 20 ദിവസം ജോലിചെയ്താൽ അംഗത്വം
• വഴിയോര കച്ചവടക്കാർക്ക് തിരിച്ചറിയൽ കാർഡ്. ഏഴ് ശതമാനം പലിശയ്ക്ക് 10000 രൂപ
• നാട്ടിൽ തിരിച്ചെത്തിയ പ്രവാസികൾക്ക് പെൻഷൻ 3000 രൂപ
• പ്രവാസി ക്ഷേമനിധിക്ക് 9 കോടി അനുവദിച്ചു. ക്ഷേമനിധി അംശാദായം വിദേശത്തുള്ളവരുടേത് 350 രൂപയായും പെൻഷൻ 3500 രൂപയായും ഉയർത്തി. നാട്ടിൽ തിരിച്ചെത്തിയവരുടേത് 200 രൂപയായും പെൻഷൻ 3000 രൂപയായും വർധിപ്പിച്ചു
• സ്‌കൂൾ പാചക തൊഴിലാളികളുടെ വേതനം അൻപത് രൂപ കൂട്ടി
• പ്രീ പ്രൈമറി ആയമാരുടെ അലവൻസ് 1000 രൂപയ്ക്ക് ആക്കി കൂട്ടി
• സ്‌കൂൾ കൗൺസിലർമാരുടെ ഓണറേറിയം 24,000 രൂപ ആക്കി കൂട്ടി
• ആശ വർക്കർമാരുടെ അലവൻസിൽ 1000 രൂപ വർദ്ധന
• ജേണലിസ്റ്റ്, നോൺ ജേണലിസ്റ്റ് പെൻഷൻ 1000 രൂപ വർധിപ്പിച്ചു
• തദ്ദേശ ജനപ്രതിനിധികളുടെ ഓണറേറിയം ആയിരം രൂപ കൂട്ടി