ബെംഗളൂരു: കേന്ദ്ര ആഭ്യന്തരമന്ത്രി അമിത് ഷായ്ക്കെതിരെ കർണാടകയിൽ കർഷകരുടെ പ്രതിഷേധം. രണ്ട് ദിവസത്തെ സന്ദർശനത്തിനായി അമിത് ഷാ എത്തിയതിനെ തുടർന്ന് സംസ്ഥാനത്തിന്റെ വിവിധ ഭാഗങ്ങളിൽ കർഷകരുടെ നേതൃത്വത്തിൽ ചെറും സംഘങ്ങളായി തിരിഞ്ഞ് ധർണ നടത്തിയിരുന്നു, ബെലഗാവിയിലെ ഫാക്ടറിയുടെ തറക്കല്ലിടൽ ചടങ്ങിന് അമിത് ഷാ എത്തിയപ്പോൾ കർഷകർ കൂട്ടമായെത്തി പ്രതിഷേധിച്ചു.

. കർഷക വിരോധിയായ അമിത് ഷാ ഇവിടംവിട്ടുപോവുക എന്ന് മുദ്രാവാക്യം വിളിച്ചായിരുന്നു കർഷകരുടെ പ്രതിഷേധം. മൂന്ന് കാർഷിക നിയമങ്ങൾകേന്ദ്ര സർക്കാർ പിൻവലിക്കണമെന്നും ഇവർ ആവശ്യപ്പെട്ടു. കൂടുതൽപോലീസെത്തി പ്രതിഷേധക്കാരെ അറസ്റ്റ് ചെയ്തുനീക്കുകയായിരുന്നു.

അതേസമയം കർ ഷകർക്ക്‌വേണ്ടിയാണ് ബില്ലുകൾ പാർലമെന്റ് പാസാക്കിയതെന്നും കർഷകരുടെ വരുമാനം വർദ്ധിക്കുന്നത് സമീപ ഭാവിയിൽ കാണാനാകുമെന്നും ചടങ്ങിൽ അമിത് ഷാ വ്യക്തമാക്കി..