sivasena

മുംബയ്: പശ്ചിമബംഗാൾ നിയമസഭ തിരഞ്ഞെടുപ്പിൽ ശിവസേന മത്സരിക്കുമെന്ന്​ പാർട്ടി നേതാവ്​ സഞ്ജയ്​ റൗട്ട്. മുഖ്യമന്ത്രി ഉദ്ധവ് താക്കറെയുമായി ചർച്ച നടത്തിയ ശേഷമാണ്​ ഇക്കാര്യത്തിൽ തീരുമാനമെടുത്തതെന്ന്​ അദ്ദേഹം പറഞ്ഞു.

"ഏറെ പ്രതീക്ഷയോടെ കാത്തിരുന്ന വിവരം ഇതാ. പശ്ചിമ ബംഗാൾ നിയമസഭാ തിരഞ്ഞെടുപ്പിൽ മത്സരിക്കാൻ ശിവസേന തീരുമാനിച്ചു. ഞങ്ങൾ ഉടൻ കൊൽക്കത്തയിലെത്തും. ജയ് ഹിന്ദ്, ജയ് ബാൻല!"- സഞ്ജയ് ട്വീറ്റ് ചെയ്തു.

മമത ബാനർജിയുടെ നേതൃത്വത്തിലുള്ള തൃണമൂൽ കോൺഗ്രസ് സർക്കാരിന്റെ കാലാവധി വരുന്ന മേയ് 30ന് അവസാനിക്കും. 294 സീറ്റുകളിലേക്കുള്ള തിരഞ്ഞെടുപ്പിനെ ഇടതു പാർട്ടികളുമായി സഹകരിച്ചാണ്​ കോൺഗ്രസ് നേരിടുന്നത്​. ഭരണം പിടിക്കാൻ സകല അടവും പയറ്റി ബി.ജെ.പിയും രംഗത്തുണ്ട്​. ​